ഇന്ത്യൻ ക്രിക്കറ്റ് താരങ്ങളുടെ വേതനം വർധിപ്പിച്ചു. ക്യാപ്റ്റൻ കൊഹ്‌ലിയുടെ ആവശ്യപ്രകാരമാണ് ബിസിസിഐയുടെ നടപടി. രാജ്യാന്തര താരങ്ങള്‍ക്കും പ്രാദേശിക താരങ്ങള്‍ക്കും ഉള്‍പ്പടെയുള്ള മുഴുവന്‍ കളിക്കാര്‍ക്കും ബോര്‍ഡ് നൂറു ശതമാനമാണ് ശമ്പള വര്‍ധനയാണ് നടപ്പാക്കിയിരിക്കുന്നത്.

സുപ്രീംകോടതി നിയോഗിച്ച ബിസിസിഐ ഭരണസമിതി അടുത്ത സീസണിലെ ശമ്പള വര്‍ധനവിനായി ഇപ്പോള്‍ നല്‍കുന്ന 180 കോടിക്ക് പുറമേ 200 കോടി രൂപ കൂടി അനുവദിച്ചു. മൂന്ന് തട്ടായാണ് വേതനം നല്‍കുന്നത്. രാജ്യാന്തര താരങ്ങള്‍ക്ക് 13 ശതമാനവും ആഭ്യന്തര താരങ്ങള്‍ക്ക് 10.6 ശതമാനവും ശേഷിക്കുന്ന ഭാഗം വനിതകള്‍ക്കും ജൂണിയര്‍ താരങ്ങള്‍ക്കുമായി നല്‍കുന്നതാണ് കരാര്‍. പുതിയ വേതനം പ്രകാരം വര്‍ഷം 46 മത്സരങ്ങള്‍ കളിക്കുന്ന ഇന്ത്യന്‍ നായകന്‍ വിരാട് കോഹ്ലിക്ക് 11 കോടി രൂപയോളം ലഭിക്കും.