ഇന്ത്യ- ശ്രീലങ്ക ഏകദിനപരമ്പരയിലെ മൂന്നാം ഏകദിനത്തിൽ ഇന്ത്യക്ക് 216 റൺസ് വിജയലക്ഷ്യം. ടോസ് നഷ്ടപ്പെട്ട് ബാറ്റിങ് ആരംഭിച്ച ശ്രീലങ്കയുടെ തുടക്കം മികച്ചതായിരുന്നു. ഒരു ഘട്ടത്തിൽ രണ്ടു വിക്കറ്റ് നഷ്ടത്തിൽ 136 റൺസ് എന്ന ശക്തമായ നിലയിൽ നിന്നും ചീട്ടുകൊട്ടാരംപോലെ തകരുകയായിരുന്നു ലങ്കൻ ബാറ്റിംഗ് നിര.

ലങ്കൻ ഓപ്പണർ ഉപുൽ തരംഗയാണ് ടോപ് സ്‌കോറർ. 82 പന്തില്‍ 12 ഫോറുകളും മൂന്നു സിക്സറും അടക്കം 95 റൺസാണ് തരംഗ അടിച്ചുകൂട്ടിയത്. സമരവിക്രമ 57 പന്തില്‍ അഞ്ച് ഫോറുകളടക്കം 42 റണ്‍സെടുത്തു പുറത്തായി. മൂന്നു വിക്കറ്റുകൾ വീതം നേടിയ കുൽദീപ് യാദവും യുസ്‌വേന്ദ്ര ചാഹലുമാണ് ലങ്കൻ ബാറ്റിങ് നിരയുടെ നടുവൊടിച്ചത്.