ശ്രീലങ്കെതിരായ ഏകദിനത്തില്‍ രോഹിത് ശര്‍മ്മ ഇരട്ടസെഞ്ചുറി നേടി റെക്കോഡ് സൃഷ്ടിചതിനൊപ്പം മറ്റൊരു നിമിഷത്തിനും ആരാധകർ കാണിക്കാലായിരുന്നു. രോഹിതും ഭാര്യ റിതികയും തമ്മിലുള്ള പ്രണയനിമിഷങ്ങളായിരുന്നു അന്ന് ആരാധക ഹൃദയം കവർന്നത്.

രോഹിതിന്റെ ഇരട്ടസെഞ്ചുറി കണ്ട് ഗാലറിയിലിരുന്ന് റിതിക കരഞ്ഞപ്പോള്‍ രോഹിത് ഫ്‌ളെയിങ് കിസ്സിലൂടെയാണ് ആ കണ്ണീരൊപ്പിയത്. പിന്നീട് മത്സരശേഷം ഗാലറിയിലെത്തി റിതികയുടെ നെറ്റിയില്‍ ചുംബനം നല്‍കാനും രോഹിത് മറന്നില്ല. സിനിമകളെപ്പോലും വെല്ലുന്ന പ്രണയരംഗങ്ങളായിരുന്നു അതെന്ന് ബോളിവുഡ് താരം അനുപം ഖേര്‍ അഭിപ്രായപ്പെട്ടിരുന്നു. വിവാഹവാര്‍ഷികത്തില്‍ ഭാര്യക്ക് രോഹിത് നല്‍കിയ സമ്മാനമായാണ് ആ ഇരട്ടസെഞ്ചുറിയെ എല്ലാവരും വിലയിരുത്തിയത്.

എന്നാല്‍ ഈ പ്രണയനിമഷങ്ങള്‍ ഒരാൾക്ക് ഇഷ്ടപ്പെട്ടിട്ടില്ല . രോഹിന്റെ മുന്‍കാമുകി സോഫിയ ഹയാത്തിനാണു ഇതൊന്നും ഇഷ്ടമാകാഞ്ഞത്. സെഞ്ചുറി നേട്ടം രോഹിത് ഭാര്യയ്ക്ക് സമര്‍പ്പിച്ചതിനെ വിമര്‍ശിച്ച് സോഫിയ രംഗത്തെത്തി.

രോഹിത് വിജയങ്ങള്‍ നേടുന്നതില്‍ എനിക്ക് സന്തോഷമുണ്ട്. എന്നാല്‍ വിജയാഘോഷത്തിലും ജനങ്ങള്‍ ലിംഗവിവേചനമാണ് കാണിക്കുന്നത്. പുരുഷനായിരുന്നതുകൊണ്ടു മാത്രമാണ് ജനങ്ങള്‍ രോഹിതിന് വേണ്ടി കൈയ്യടിക്കുന്നത്. ഇതൊരു ബാറ്റ്-ബോള്‍ ഗെയിം മാത്രമാണെന്ന് രോഹിത് മനസ്സിലാക്കണം.

കാഴ്ച്ച ഇല്ലാതിരുന്നിട്ടും കാഞ്ചന്‍മാല പാണ്ഡെ പാരാലിമ്പിക്‌സില്‍ മെഡല്‍ നേടിയിട്ടും ആരും അതു ആഘോഷിച്ചു കണ്ടില്ല. അങ്ങിനെയുള്ളവര്‍ക്ക് പ്രചോദനം നല്‍കണമെന്നും താന്‍ അത്തരം വിജയങ്ങളാണ് ആഘോഷിക്കുകയെന്നും സോഫിയ പറയുന്നു.

വിജയം പങ്കാളിക്ക് സമര്‍പ്പിക്കുകയെന്നത് രോഹിതിന്റെ ശീലമാണ്. ഞാന്‍ രോഹിതിന്റെ കാമുകിയായിരുന്നപ്പോഴും അങ്ങനെയുണ്ടായിട്ടുണ്ട്. പക്ഷേ രോഹിത് മോശം ഫോമിലാണെങ്കില്‍ മാത്രമേ ഞാന്‍ കരയാറുള്ളു. എന്റെ അരികില്‍ നിന്നും രോഹിതിനെ മാറ്റാന്‍ ഒരാളെ അദ്ദേഹത്തിന് കിട്ടിയതില്‍ സന്തോഷമുണ്ട്. സോഫിയ പറയുന്നു.

2012 മുതല്‍ ബ്രിട്ടീഷ്-ഇന്ത്യന്‍ മോഡലായ സോഫിയയും രോഹിതും തമ്മില്‍ പ്രണയത്തിലായിരുന്നു. പിന്നീട് ഇരുവരും വേര്‍പിരിയുകയായിരുന്നു. തുടര്‍ന്ന് രോഹിത് തന്റെ ബാല്യകാല സുഹൃത്തായ റിതികയെ വിവാഹം ചെയ്തു.