ട്വന്റി20 പരമ്പര ഇന്ത്യയ്ക്ക് സ്വന്തം... ശ്രീലങ്കയ്ക്കെതിരായ രണ്ടാം ട്വന്റി20യില് ഇന്ത്യയ്ക്ക് 88 റണ്സിന്റെ വിജയം
ഇന്ഡോറില് നടന്ന ട്വന്റി20 പരമ്പരയില് ഇന്ത്യയ്ക്ക് തകര്പ്പന് വിജയം. ശ്രീലങ്കയ്ക്കെതിരായ രണ്ടാം ട്വന്റി20യില് 88 റണ്സിനാണ് ഇന്ത്യ ലങ്കയെ കീഴ്പ്പെടുത്തിയത്. അഞ്ചു വിക്കറ്റ് നഷ്ടത്തില് 260 റണ്സാണ് ഇന്ത്യ നേടിയത്. ട്വന്റി20യിലെ ഇന്ത്യയുടെ ഏറ്റവും മികച്ച സ്കോറാണിത്. സെഞ്ചുറിയുമായി രോഹിത് ശര്മയാണ് മികച്ച സ്കോര് നേടാന് ആതിഥേയരെ സഹായിച്ചത്.
43 പന്ത് മാത്രം നേരിട്ട് 118 റണ്സുമായാണ് രോഹിത് മടങ്ങിയത്. 12 ഫോറും 10 സിക്സും രോഹിത് എടുത്തു. അര്ധ സെഞ്ചുറി പ്രകടനവുമായി ലോകേഷ് രാഹുലും രോഹിതിന് പിന്തുണയേകി. 261 റണ്സെന്ന വിജയലക്ഷ്യം പിന്തുടരാനാകാതെ ലങ്കന് താരങ്ങള് കീഴടങ്ങുകയായിരുന്നു. ഒമ്പതു വിക്കറ്റിന് 172 റണ്സെന്ന നിലയില് ശ്രീലങ്ക കളി മതിയാക്കി. ഇതോടെ മൂന്നു മല്സരങ്ങളുള്ള പരമ്പരയിലാണ് 2-0ന് ഇന്ത്യ പരമ്പര സ്വന്തമാക്കിയത്.
https://www.facebook.com/Malayalivartha