ആഷസ് പരമ്പരയിലെ അവസാന ടെസ്റ്റിൽ ഇംഗ്ലണ്ടിന് തിരിച്ചടി. ആദ്യ ഇന്നിംഗ്സില്‍ ഇംഗ്ലണ്ട് 346 റണ്‍സിനു പുറത്തായി. മറുപടി ബാറ്റിംഗ് ആരംഭിച്ച ഓസ്ട്രേലിയ രണ്ട് വിക്കറ്റ് നഷ്ടത്തിൽ 193 റൺസ് നേടി ശക്തമായ നിലയിലാണ്. 91 റണ്‍സുമായി ഖ്വാജയും 44 റണ്‍സ് നേടി സ്മിത്തുമാണ് ക്രീസില്‍.

നേരത്തെ രണ്ടാം ദിവസം ബാറ്റിംഗ് പുനരാരംഭിച്ച ഇംഗ്ലണ്ടിന് 62 റൺസ് നേടിയ മലന്റെ വിക്കറ്റ് തുടക്കത്തിലേ നഷ്ടമായി. തുടർന്നെത്തിയ മോയിന്‍ അലി(30), ടോം കുറന്‍(39), സ്റ്റുവര്‍ട് ബ്രോഡ്(31) എന്നിവരുടെ ചെറുത്ത്നിൽപ്പാണ് ഇംഗ്ലണ്ടിനെ 300 കടത്തിയത്. ഓസ്ട്രേലിയയ്ക്കായി പാറ്റ് കമ്മിന്‍സ് നാല് വിക്കക്ക് വീഴ്ത്തി.