ഇന്ത്യൻ പേസർമാർക്ക് മുന്നിൽ തകർന്ന് ദക്ഷിണാഫ്രിക്ക; ഇന്ത്യക്ക് 208 റൺസ് വിജയലക്ഷ്യം
ദക്ഷിണാഫ്രിക്കയ്ക്കെതിരായ ആദ്യ ടെസ്റ്റില് ഇന്ത്യയ്ക്ക് 208 റണ്സ് വിജയ ലക്ഷ്യം. നാലാം ദിനം ബാറ്റിംഗ് ആരംഭിച്ച ദക്ഷിണാഫ്രിക്കയുടെ തുടക്കം തകർച്ചയോടെയായിരുന്നു. ഒരു റണ് എടുക്കുന്നതിനിടയില് തന്നെ ഹാഷിം അംലയെ മുഹമ്മദ് ഷമി പുറത്താക്കുകയായിരുന്നു. തുടർന്ന് ഇന്ത്യയുടെ പേസ് ബൗളിംഗിന് മുന്നില് ദക്ഷിണാഫ്രിക്കക്ക് നിലയുറപ്പിക്കാനായില്ല.
130 റണ്സിന് രണ്ടാം ഇന്നിംഗ്സില് ദക്ഷിണാഫ്രിക്കയുടെ എല്ലാവരും പുറത്തായി. ഇന്ത്യയുടെ പേസ് ബൗളർമാരാണ് എല്ലാ വിക്കറ്റും സ്വന്തമാക്കിയത്. ഇന്ത്യയ്ക്ക് വേണ്ടി മുഹമ്മദ് ഷമിയും ജസ്പ്രീത് ബുംറയും മൂന്നു വിക്കറ്റും ഭുവനേശ്വര് കുമാറും ഹാര്ദിക് പാണ്ഡ്യയും രണ്ട് വിക്കറ്റും സ്വന്തമാക്കി. ദക്ഷിണാഫ്രിക്കയുടെ ആറു ബാറ്റ്സ്മാന്മാര് രണ്ടക്കം കാണാതെ പുറത്തായപ്പോൾ 35 റണ്സ് നേടിയ ഡിവില്ലേഴ്സാണ് അല്പമെങ്കിലും പിടിച്ചു നിന്നത്.
https://www.facebook.com/Malayalivartha