കേപ്ടൗൺ ക്രിക്കറ്റ് ടെസ്റ്റിൽ കോഹ്ലി പുറത്തായതിൽ മനംനൊന്ത ആരാധകൻ ആത്മഹത്യ ചെയ്തു
കേപ്ടൗൺ ക്രിക്കറ്റ് ടെസ്റ്റിൽ വെറും അഞ്ച് റൺസെടുത്ത് കോഹ്ലി മടങ്ങിയതിൽ മനംനൊന്ത് ആരാധകൻ ആത്മ ഹത്യ ചെയ്തു. ടെസ്റ്റിന്റെ ഒന്നാം ഇന്നിങ്സിൽ ഇന്ത്യൻ നായകൻ വിരാട് കോഹ്ലി പുറത്തായതിൽ മനം നൊന്ത് മധ്യപ്രദേശിൽ ആണ് ആരാധകൻ ആത്മഹത്യ ചെയ്തത്. റിട്ടയേർഡ് റയിൽവേ ജീവനക്കാരനായ ബാബുലാൽ ബരിയ എന്നയാളാണ് ആരാധന തലയ്ക്ക് പിടിച്ച് ജീവനൊടുക്കിയത്.
വെറും അഞ്ച് റൺസെടുത്ത് കോഹ്ലി പുറത്തായതിന് പിന്നാലെ , മുറിയിൽ ഒറ്റയ്ക്കിരുന്നു കളികണ്ടിരുന്ന ബരിയ ദേഹത്ത് മണ്ണെണ്ണയൊഴിച്ച് തീ കൊളുത്തുകയായിരുന്നു. കളി കണ്ടുകൊണ്ടിരിക്കെ ഇയാൾ മദ്യപിച്ചിരുന്നു. മദ്യത്തിന്റെ ലഹരിയിൽ ആവേശം കൊണ്ടാണ് ഇയാൾ ആത്മഹത്യക്ക് മുതിർന്നത്. ഗുരുതരമായി പൊളളലേറ്റ് ആശുപത്രിയിൽ പ്രവേശിച്ചിരുന്ന ബരിയ ചൊവ്വാഴ്ച മരിക്കുകയായിരുന്നു.
വിരാട് കോഹ്ലിയുടെയും കടുത്ത ആരാധകനായിരുന്ന ഇയാൾ കോഹ്ലിയുടെ വിക്കറ്റ് വീണതിനെ തുടർന്നാണ് ഈ കൃത്യത്തിനു മുതിർന്നതെന്ന് ആത്മഹത്യ കുറിപ്പിൽ വിശദീകരിക്കുന്നു
https://www.facebook.com/Malayalivartha