ഇന്ത്യൻ ടീമിൽ വൻ അഴിച്ചുപണി; ടെസ്റ്റ് സ്പെഷ്യലിസ്റ്റുകൾ തിരിച്ചെത്തിയേക്കും; ടീം തെരഞ്ഞെടുപ്പിൽ കൊഹ്ലിക്കെതിരെ വിമർശനം
ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിൽ ഇന്ത്യൻ ടീമിൽ വൻ അഴിച്ചുപണിക്ക് സാധ്യത. ഓപ്പണര് ശിഖര് ധവാന്, രോഹിത്ത് ശര്മ്മ എന്നിവര്ക്ക് പകരമായി ടെസ്റ്റ് സ്പെഷ്യലിസ്റ്റുകളായ അജിങ്ക്യ രഹാനെയും കെഎല് രാഹുലും ടീമിലേക്കെത്തിയേക്കും. ആദ്യ ടെസ്റ്റില് രഹാനയേയും രാഹുലിനേയും ഒഴിവാക്കിയതിന് നായകന് വിരാട് കൊഹ്ലിക്കെതിരെ സൗരവ് ഗാംഗുലി അടക്കമുള്ളവർ രംഗത്തെത്തിയിരുന്നു.
കോഹ്ലിയുടെ താൽപര്യത്തിനനുസരിച്ചാണ് ധവാനും രോഹിതും ടീമിൽ എത്തിയതെന്ന് വിമർശനം ഉണ്ടായി. ഈ സാഹചര്യവും കണക്കിലെടുത്താണ് ടീമിൽ അഴിച്ചുപണിക്കുള്ള സാധ്യതകൾ തുറന്നത്. രാഹുല്, രഹാനെ എന്നിവർക്ക് പുറമെ ഫാസ്റ്റ് ബൗളർമാരായ ഉമേശ് യാദവോ ഇഷാന്ത് ശര്മ്മയോ ടീമിൽ എത്താനും സാധ്യതയുണ്ട്. ജനുവരി 13ന് സെഞ്ചൂറിയനിലാണ് രണ്ടാം ടെസ്റ്റ് മല്സരം നടക്കുന്നത്.
https://www.facebook.com/Malayalivartha