കളിയുടെ സ്​പിരിറ്റിന്​ വിപരീതമായുള്ള പ്രവർത്തിയെ തുടർന്ന് വിരാട്​ കോഹ്​ലിക്ക്​ ​ മാച്ച്‌​ ഫീസി​ന്റെ 25 ശതമാനം പിഴ. നായക​ന്റെ പ്രവര്‍ത്തിക്കുള്ള ശിക്ഷയായാണ്​ മാച്ച്‌​ റഫറി പിഴയീടാക്കിയത്​. ദക്ഷിണാഫ്രിക്കയുടെ രണ്ടാം ഇന്നിങ്​സിലെ 25ാം ഒാവറിലായിരുന്നു കോഹ്​ലിയുടെ ദേഷ്യ പ്രകടനം.

മൂന്നാം സെഷനിലുണ്ടായ മ​ഴ കാരണം ഒൗട്ട്​ ഫീല്‍ഡ്​ നനഞ്ഞിരിക്കുന്ന കാര്യം കോഹ്​ലി അമ്പയര്‍ മൈഖല്‍ ഗൗഫിനോട്​ പരാതിപറഞ്ഞു. ഇതിനിടയിലാണ് ദേഷ്യം കയറിയ കോഹ്ലി രോഷത്തോടെ പന്ത്​ മൈതാനിയിലേക്ക്​ വലിച്ചെറിഞ്ഞത്. പരാതി പറച്ചിലിന്​ ശേഷമുള്ള താരത്തിന്റെ പ്രവര്‍ത്തി കളിയുടെ സ്​പിരിറ്റിന്​ യോജിച്ച​തല്ലെന്നു ചൂണ്ടിക്കാട്ടിയ ഐ.സി.സി പിഴയീടാക്കുകയായിരുന്നു. പിഴയടക്കാനുള്ള മാച്ച്‌​ റഫറിയുടെ തീരുമാനം അംഗീകരിച്ച കോഹ്​ലിക്ക്​ ഒരു ഡീമെറിറ്റ്​ പോയിന്‍റ്​ കൂടി ലഭിച്ചു.

രണ്ട്​ വര്‍ഷത്തിനുള്ളില്‍ ഒരു താരത്തിന്​ നാലില്‍ കൂടുതല്‍ ഡീമെറിറ്റ്​ പോയിന്‍റുകള്‍ ലഭിച്ചാല്‍ അത് ഒരു​ സസ്​പെന്‍ഷന്‍ പോയിന്‍റിലേക്ക്​ മാറും. രണ്ട്​ സസ്​പെന്‍ഷന്‍ പോയിന്‍റുകള്‍ ഒരാള്‍ക്ക്​ ലഭിച്ചാല്‍​ എന്നെന്നേക്കുമായി ക്രിക്കറ്റിൽ നിന്ന് പുറത്തു പോകേണ്ടി വരും.