ഇംഗ്ലണ്ടിന്റെ മധുര പ്രതികാരം; രണ്ടാം ഏകദിനത്തിലും ഓസ്ട്രേലിയക്ക് തോൽവി
ഓസ്ട്രേലിയക്കെതിരായ രണ്ടാം ഏകദിനത്തിലും ഇംഗ്ലണ്ടിന് വിജയം. ആഷസ് പരമ്പരയിലെ നാണംകെട്ട തോൽവിക്ക് ശേഷം ശക്തമായ തിരിച്ചു വന്ന ഇംഗ്ലണ്ടിന്റെ മധുര പ്രതികരമാണിത്. ടോസ് നേടി ബാറ്റിംഗ് തെരഞ്ഞെടുത്ത ഓസ്ട്രേലിയ ഓപ്പണർ ആരോണ് ഫിഞ്ചിന്റെ സെഞ്ചുറിയുടെ പിൻബലത്തിൽ 50 ഓവറിൽ 270 റൺസ് നേടി.ഫിഞ്ച് 114 പന്തില് നിന്ന് 106 റണ്സ് നേടി.
മറുപടി ബാറ്റിങ്ങിനിറങ്ങിയ ഇംഗ്ലണ്ടിന് കഴിഞ്ഞ കളിയിലെ താരമായ ജേസൺ റോയിയെ തുടക്കത്തിലേ നഷ്ട്ടപെട്ടു. തുടർന്ന് അലക്സ് ഹെയ്ൽസും ജോണി ബെയർസ്റ്റോവും ചേർന്ന് ഇംഗ്ലണ്ടിനെ ശക്തമായ നിലയിലെത്തിച്ചു. ഇരുവരും അർധസെഞ്ചുറി നേടി. ഇരുവരും പുറത്തായ ശേഷം ജോ റൂട്ടും ജോസ് ബട്ട്ലറും ചേർന്ന് വിജയത്തിലേക്ക് നയിച്ചു.
ഇംഗ്ലണ്ട് 44 ആം ഓവറിൽ ആറ് വിക്കറ്റ് നഷ്ടത്തിൽ ലക്ഷ്യം കണ്ടു. ജോ റൂട്ട് 46 റൺസ് നേടി പുറത്താകാതെ നിന്നു.വിക്കറ്റ് കീപ്പർ ജോസ് ബട്ട്ലർ 42 റൺസ് നേടി പുറത്തായി. അഞ്ച് മത്സരങ്ങളുള്ള പരമ്പരയിൽ ഇംഗ്ലണ്ട് 2 -0 ന് മുന്നിലെത്തി.
https://www.facebook.com/Malayalivartha