ഐപിഎൽ താര ലേലത്തിൽ തിളങ്ങി മലയാളികളുടെ സ്വന്തം സഞ്ജു സാംസണ് ; 8 കോടി രൂപക്ക് രാജസ്ഥാന് റോയല്സിന് സ്വന്തം
ഐപിഎൽ താര ലേലത്തിൽ തിളങ്ങി മലയാളികളുടെ സ്വന്തം സഞ്ജു സാംസണ്. മലയാളികളുടെ പ്രിയപ്പെട്ട സഞ്ജുവിനെ 8 കോടി രൂപയ്ക്കാണ് രാജസ്ഥാന് റോയല്സ് സ്വന്തമാക്കിയത്. അടിസ്ഥാന വില ഒരു കോടി രൂപ നിശ്ചയിച്ചിരുന്ന യുവതാരത്തിനു വേണ്ടി ലേലത്തിൽ ടീമുകള് മത്സരിക്കുകയായിരുന്നു. കഴിഞ്ഞ ഐപിഎല്ലില് മിന്നുന്ന പ്രകടനമാണ് താരം നടത്തിയത്.
ഇന്ത്യന് പ്രീമിയര് ലീഗ് പതിനൊന്നാം സീസണിലേക്കുള്ള താരങ്ങളെ തിരഞ്ഞെടുക്കാനുള്ള ലേലമാണ് ഇത്. ബെംഗളൂരുവില് രണ്ടു ദിവസങ്ങളിലായിട്ടാണ് ലേലം നടക്കുന്നത്. 361 ഇന്ത്യക്കാരടക്കം 580 താരങ്ങളാണ് ലേലത്തില് ഉള്പ്പെട്ടിട്ടുള്ളത്. ഇതില് 16 താരങ്ങള് രണ്ടു കോടി അടിസ്ഥാന വിലയുള്ള മുന്നിര ലിസ്റ്റില് ഉള്പ്പെട്ടിട്ടുണ്ട്. ഓരോ ടീമുകള്ക്കും ചുരുങ്ങിയത് 18 താരങ്ങളേയും പരമാവധി 25 താരങ്ങളേയും സ്വന്തമാക്കാന് സാധിക്കും. ഇതിനായി 80 കോടി രൂപയാണ് ടീമുകള്ക്ക് ചെലവഴിക്കാന് സാധിക്കുന്നത്.
ഇന്ത്യന് താരം മനീഷ് പാണ്ഡ്യയെ 11 കോടി രൂപയ്ക്ക് സണ്റൈസസ് ഹൈദരാബാദ് സ്വന്തമാക്കി. കേദര് ജാദവ് ആകട്ടെ 7.8 കോടി രൂപയ്ക്ക് ചെന്നൈ സൂപ്പര് കിംഗ്സും കരുണ് നായര് 5.6 കോടി രൂപയ്ക്ക് കിംഗ്സ് ഇലവന് പഞ്ചാബും സ്വന്തമാക്കി. അന്താരാഷ്ട്ര ക്രിക്കറ്റിലും അഭ്യന്തര ക്രിക്കറ്റിലും ഇവര് കാഴ്ച്ചവെക്കുന്ന ശ്രദ്ധേയ പ്രകടനമാണ് യുവതാരങ്ങള്ക്ക് കോടികള് കൊയ്യാന് അവസരം ഒരുക്കിയത്.
https://www.facebook.com/Malayalivartha