ഐപിഎൽ താരലേലം: മലയാളി താരങ്ങൾക്ക് നേട്ടം; പൊന്നും വിലയുമായി സഞ്ജു; ബേസിൽ തമ്പി ഹൈദരാബാദിൽ; വിഷ്ണു വിനോദിന് ടീമായില്ല
ഐപിഎൽ പതിനൊന്നാം സീസണിലെ താരലേലത്തിൽ മലയാളി താരങ്ങൾക്ക് നേട്ടം. ഐപിഎല്ലിലെ തന്നെ മിന്നും താരമായി സഞ്ജു സാംസൺ മാറിയപ്പോൾ ഫാസ്റ്റ് ബൗളർ ബേസിൽ തമ്പി ഹൈദരാബാദ് സൺറൈസേഴ്സിൽ ഇടം നേടി. സഞ്ജുവിനെ എട്ട് കോടി രൂപയ്ക്ക് രാജസ്ഥാൻ റോയൽസ് സ്വന്തമാക്കി.
ബേസിൽ തമ്പി 95 ലക്ഷം രൂപയ്ക്കാണ് ഹൈദരാബാദിൽ എത്തിയത്. ബേസിലിന്റെ അടിസ്ഥാന വില 30 ലക്ഷം രൂപയായിരുന്നു. എന്നാൽ വിഷ്ണു വിനോദിനെ ആദ്യ ഘട്ടത്തിൽ ആരും വാങ്ങിയില്ല. മലയാളി താരം സച്ചിൻ ബേബിയും ലേലത്തിനുണ്ട്.
സഞ്ജുവിന്റെ അടിസ്ഥാന വില ഒരു കോടി രൂപയായിരുന്നു. ഒരു മലയാളി താരത്തിന്റെ രണ്ടാമത്തെ ഉയർന്ന തുകയ്ക്കാണ് സഞ്ജുവിനെ രാജസ്ഥാൻ സ്വന്തമാക്കിയത്. ശ്രീശാന്തിനെ സ്വന്തമാക്കാൻ കൊച്ചി ടസ്കേഴ്സ് മുടക്കിയ ഒൻപത് കോടിയാണ് മലയാളി താരത്തിന്റെ ഉയർന്ന വില.
https://www.facebook.com/Malayalivartha