വെടിക്കെട്ട് ബാറ്റിംഗ് സെലക്ടർമാരുടെ കണ്ണ് തുറപ്പിച്ചു; ഒരു വർഷത്തിന് ശേഷം റെയ്ന ഇന്ത്യൻ ടീമിൽ; ദക്ഷിണാഫ്രിക്കയ്ക്കെതിരായ ട്വന്റി20 ടീമിനെ പ്രഖ്യാപിച്ചു
ദക്ഷിണാഫ്രിക്കയ്ക്കെതിരായ ട്വന്റി20 പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. ഒരു വർഷത്തിന് ശേഷം സുരേഷ് റെയ്ന ഇന്ത്യൻ ടീമിൽ തിരിച്ചെത്തി. ആഭ്യന്തര ക്രിക്കറ്റിലെ വെടിക്കെട്ട് ബാറ്റിംഗാണ് റെയ്നയെ തുണച്ചത്. ഉത്തർപ്രദേശിന് വേണ്ടി മികച്ച പ്രകടനം കാഴ്ച്ചവെച്ച റെയ്ന സെഞ്ച്വറി നേടുകയും ചെയ്തിരുന്നു.
അജിങ്ക്യ രഹാനെയെ ഒഴിവാക്കിയ സെലക്ടർമാർ ജയ്ദേവ് ഉനദ്ഘട്, ഷാർദുൽ താക്കൂർ തുടങ്ങിയവരെ ഉൾപ്പെടുത്തി. ശ്രീലങ്കയ്ക്കെതിരെ ടീമിലുണ്ടായിരുന്ന മലയാളി താരങ്ങളായ ബേസിൽ തമ്പിയെയും ശ്രേയസ് അയ്യരെയും ടീമിൽ നിന്ന് ഒഴിവാക്കി. കൊഹ്ലി നയിക്കുന്ന ടീമിൽ മുൻ നിര താരങ്ങളെല്ലാം സ്ഥാനം പിടിച്ചു.
മൂന്നു ട്വിന്റി-20കളടങ്ങിയ പരമ്പരയിലെ ആദ്യ മത്സരം ഫെബ്രുവരി 18ന് ജൊഹാനസ്ബര്ഗിലും രണ്ടാമത്തെ മത്സരം ഫെബ്രുവരി 21ന് സെഞ്ചൂറിയനിലും അവസാനത്തെ മത്സരം ഫെബ്രുവരി 24ന് കേപ്ടൗണിലും നടക്കും.
ഇന്ത്യൻ ടീം– വിരാട് കൊഹ്ലി (ക്യാപ്റ്റൻ), രോഹിത് ശർമ, ശിഖർ ധവാൻ, കെ.എൽ. രാഹുൽ, സുരേഷ് റെയ്ന, എം.എസ്. ധോണി, ദിനേഷ് കാർത്തിക്ക്, ഹാർദിക് പാണ്ഡ്യ, മനീഷ് പാണ്ഡെ, അക്സർ പട്ടേൽ, യുസ്വേന്ദ്ര ചാഹൽ, കുൽദീപ് യാദവ്, ഭുവനേശ്വർ കുമാര്, ജസ്പ്രീത് ബുംമ്ര, ജയ്ദേവ് ഉനദ്ഘട്, ഷാർദുൽ താക്കൂർ.
https://www.facebook.com/Malayalivartha