അപരാജിതനായി കൊഹ്ലി; ദക്ഷിണാഫ്രിക്കയ്ക്ക് 304 റൺസ് വിജയലക്ഷ്യം
ദക്ഷിണാഫ്രിക്കൻ മണ്ണിൽ ഇന്ത്യൻ നായകൻ വിരാട് കൊഹ്ലിക്ക് വീണ്ടും സെഞ്ചുറി. ഏകദിന പരമ്പരയിലെ മൂന്നാം മത്സരത്തിൽ അപരാജിത പ്രകടനവുമായി കൊഹ്ലി നിറഞ്ഞാടിയപ്പോൾ ഇന്ത്യൻ സ്കോർ 300 കടന്നു. ടോസ് നഷ്ട്ടപെട്ട് ബാറ്റിംഗ് ആരംഭിച്ച ഇന്ത്യയ്ക്ക് തുടക്കത്തിലെ തന്നെ രോഹിത് ശർമ്മയെ നഷ്ടമായി. പിന്നീടെത്തിയ കൊഹ്ലി ക്രീസിൽ നിലയുറപ്പിച്ചതോടെ ഇന്ത്യ മികച്ച സ്കോർ നേടുകയായിരുന്നു.ഇന്ത്യ 50 ഓവറിൽ 6 വിക്കറ്റ് നഷ്ടത്തിൽ 303 റൺസ് നേടി.
ഇന്ത്യയ്ക്ക് വേണ്ടി ശിഖർ ധവാൻ അർദ്ധ സെഞ്ച്വറി നേടി. എന്നാൽ പിന്നീടാർക്കും കൊഹ്ലിയ്ക്ക് പിന്തുണ നൽകാൻ കഴിഞ്ഞില്ല. രഹാനെ(11),പാണ്ഡ്യ(14),ധോണി (10),ജാദവ്(1) എന്നിവർ വന്നപോലെ മടങ്ങി. പിന്നീടെത്തിയ ഭുവനേശ്വർ കുമാറിനെ കൂട്ടുപിടിച്ചാണ് കൊഹ്ലി ഇന്ത്യയെ നയിച്ചത്. ഏകദിനത്തിലെ 34-ാം സെഞ്ചുറി നേടിയ കൊഹ്ലി അവസാന ഓവറിൽ തകർത്തടിച്ചതോടെ ഇന്ത്യ 300 കടന്നു.
കൊഹ്ലി 159 പന്തിൽ 160 റൺസുമായി പുറത്താകാതെ നിന്നു. ഭുവനേശ്വർ 16 റൺസ് നേടി. ദക്ഷിണാഫ്രിക്കയ്ക്ക് വേണ്ടി ഡുമിനി രണ്ട് വിക്കറ്റ് നേടി.
https://www.facebook.com/Malayalivartha