ഐസിസി തലപ്പത്ത് ഇന്ത്യൻ വനിത; ഇന്ദിര നൂയി സ്വതന്ത്ര ചുമതലയുള്ള ഡയറക്ടര്
പെപ്സികോ ചെയർമാനും സിഇഒയുമായ ഇന്ദ്ര നൂയി അന്താരാഷ്ട്ര ക്രിക്കറ്റ് കൗൺസിലിന്റെ തലപ്പത്തേക്ക്. ഈ വർഷം ജൂണിൽ ഇന്ദ്ര നൂയി ചുമതലയേൽക്കും. സ്വതന്ത്ര ചുമതലയുള്ള ഡയറക്ടര് സ്ഥാനത്തേക്കാണ് ഇന്ദിര നൂയിയെ തെരഞ്ഞെടുത്തിരിക്കുന്നത്.
ഐസിസിയുടെ ഘടനാ മാറ്റത്തിന്റെ ഭാഗമായാണ് ഇന്ദിര നൂയി സ്വതന്ത്ര ചുമതലയുള്ള ഡയറക്ടര് സ്ഥാനത്തേക്ക് നിയമിച്ചത്. ഇതാദ്യമായാണ് ഐസിസിയുടെ തലപ്പത്തേക്ക് ഒരു വനിത എത്തുന്നത്. ഈ സ്ഥാനത്തേക്ക് എത്തുന്ന ആദ്യത്തെ വനിതയെന്ന നിലയിൽ എനിക്ക് വളരെയധികം സന്തോഷമുണ്ടെന്നും . സഹപ്രവർത്തകർക്കൊപ്പം ക്രിക്കറ്റിന്റെ വളർച്ചയ്ക്ക് വേണ്ടി പ്രവർത്തിക്കുമെന്നും ഇന്ദിര നൂയി പ്രതികരിച്ചു.
ഐസിസിയുടെ എല്ലാ അംഗങ്ങളുടെയും പിന്തുണയോടെയാണ് ഇന്ദിര നൂയിയെ തെരഞ്ഞെടുത്തത്. രണ്ട് വര്ഷമാണ് ഇന്ദിരയുടെ പ്രവര്ത്തന കാലം. എന്നാൽ സ്വതന്ത്ര ചുമതലയുള്ള ഡയറക്ടറുടെ കാലാവധി ആറ് വർഷമായതിനാൽ ഇന്ദിരയുടെ പ്രവര്ത്തന കാലാവധി നീട്ടിയേക്കും.
https://www.facebook.com/Malayalivartha