ബംഗ്ലാദേശിനെതിരായ ടെസ്റ്റിൽ ശ്രീലങ്കയ്ക്ക് മികച്ച വിജയം. രണ്ടാം ഇന്നിംഗ്‌സില്‍ 339 റണ്‍സ് വിജയലക്ഷ്യവുമായി ഇറങ്ങിയ ബംഗ്ലാദേശ് 123 റണ്‍സിന് എല്ലാവരും പുറത്തായി. മത്സരത്തിൽ ശ്രീലങ്കൻ സ്പിന്നർ രംഗണ ഹെരാത്ത് വസീം അക്രത്തിന്റെ റെക്കോർഡ് തകർത്തു. അന്താരാഷ്ട്ര ക്രിക്കറ്റില്‍ ഏറ്റവും അധികം വിക്കറ്റ് നേടിയ ഇടംകൈയ്യന്‍ ബൗളര്‍ എന്ന നേട്ടമാണ് ഹെരാത്ത് സ്വന്തമാക്കിയത്.

89 ടെസ്റ്റ് മത്സരം കളിച്ച ഹെരാത്ത് 415 വിക്കറ്റാണ് സ്വന്തമാക്കിയത്. 104 ടെസ്റ്റ് മത്സരങ്ങളില്‍ 414 വിക്കറ്റുകളാണ് വസീം അക്രം നേടിയത്. രണ്ടാം ഇന്നിംഗ്‌സില്‍ ഹെരാത്ത് നാല് വിക്കറ്റുകള്‍ സ്വന്തമാക്കി. ബംഗ്ലാദേശ് നിരയിൽ 33 റണ്‍സെടുത്ത മൊമിനൂള്‍ ഹഖിന് മാത്രമാണ് അല്പമെങ്കിലും പിടിച്ചു നിന്നത്. ശ്രീലങ്കയ്ക്കായി അഖില ധനഞ്ജയ അഞ്ച് വിക്കറ്റ് നേടി.

സ്‌കോര്‍ : ശ്രീലങ്ക 222,226, ബംഗ്ലാദേശ് 110,123.