ട്വന്റി20 ത്രിരാഷ്ട്ര പരമ്പരയിൽ ഇംഗ്ലണ്ടിനെ തകർത്ത് ഓസ്ട്രേലിയ ഫൈനലിൽ. ഇന്ന് നടന്ന മത്സരത്തില്‍ ഇംഗ്ലണ്ടിനെ 7 വിക്കറ്റിനാണ് ഓസ്ട്രേലിയ തോൽപിച്ചത്. ടോസ് നഷ്ടപ്പെട്ട് ബാറ്റ് ചെയ്ത ഇംഗ്ലണ്ടിന് 20 ഓവറില്‍ 137 റണ്‍സ് നേടാനേ കഴിഞ്ഞുള്ളു. 46 റണ്‍സ് നേടിയ ജോസ് ബട്‍ലറാണ് ടോപ് സ്കോറര്‍. ഓസ്ട്രേലിയയ്ക്കായി കെയിന്‍ റിച്ചാര്‍ഡ്സൺ മൂന്ന് വിക്കറ്റ് നേടി.

മറുപടി ബാറ്റിങ്ങിനിറങ്ങിയ ഓസ്ട്രേലിയ 14.3 ഓവറില്‍ 3 വിക്കറ്റ് നഷ്ടത്തിൽ അനായാസം ലക്ഷ്യം കണ്ടു. ഗ്ലെന്‍ മാക്‌സ്‌വെൽ 39 റണ്‍സ് നേടി ടോപ് സ്കോററായി. ക്രിസ് ലിന്‍ 31റൺസും ഷോര്‍ട്ട് 36 റൺസും നേടി മികച്ച പ്രകടനം നടത്തി.