ഇന്ത്യയ്ക്ക് എതിരായ നാലാം ഏകദിനത്തില്‍ ആദ്യ ജയം സ്വന്തമാക്കിയ ദക്ഷിണാഫ്രിക്കയ്ക്ക് കുറഞ്ഞ ഓവര്‍ നിരക്കിന്റെ പേരില്‍ പിഴ ശിക്ഷ. ദക്ഷിണാഫ്രിക്കൻ താരങ്ങളുടെ മാച്ച്‌ ഫീയുടെ 10 ശതമാനമാണ് പിഴ ശിക്ഷ. എന്നാൽ നായകന്‍ എയ്ഡന്‍ മാര്‍ക്രത്തിനു മാച്ച്‌ ഫീയുടെ 20 ശതമാനം പിഴയായി നല്‍കേണ്ടി വരും.

ദക്ഷിണാഫ്രിക്ക നിശ്ചിത സമയത്ത് ഒരോവര്‍ പിന്നിലായാണ് പന്തെറിഞ്ഞത്. ആദ്യ മൂന്ന് മത്സരങ്ങളും പരാജയപ്പെട്ട ദക്ഷിണാഫ്രിക്കയുടെ ശക്തമായ തിരിച്ചുവരവാണ് കഴിഞ്ഞ കളിയിൽ കണ്ടത്. നിർണായക സമയത്ത് ഇന്ത്യൻ ബൗളർമാർ അവസരത്തിനൊത്ത് ഉയരാത്തതാണ് പരാജയത്തിന് കാരണമായതെന്ന് ക്യാപ്റ്റൻ വിരാട് കൊഹ്‌ലി വ്യക്തമാക്കി. പരമ്പരയിലെ അഞ്ചാം ഏകദിനം ചൊവ്വാഴ്ച നടക്കും.