ചരിത്ര നേട്ടം ഒരു ജയം അകലെ; അഞ്ചാം ഏകദിനത്തിൽ ഇന്ത്യയ്ക്ക് ബാറ്റിംഗ്
ദക്ഷിണാഫ്രിക്കയ്ക്കെതിരായ അഞ്ചാം ഏകദിനത്തിൽ ഇന്ത്യയ്ക്ക് ബാറ്റിംഗ്. ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിങ്ങിന് അയക്കുകയായിരുന്നു. ഇന്നത്തെ മത്സരം വിജയിച്ചാൽ ദക്ഷിണാഫ്രിക്കയിൽ ആദ്യമായി പരമ്പര നേടാൻ ഇന്ത്യയ്ക്കാകും.
ഇന്ത്യൻ നിരയിൽ മാറ്റങ്ങളില്ല. മോശം ഫോം തുടരുന്ന ഓപ്പണർ രോഹിത് ശർമ്മയെ ഇന്നത്തെ മത്സരത്തിൽനിന്നും ഒഴിവാക്കിയില്ല. എന്നാൽ പരിക്കേറ്റ ക്രിസ് മോറിസിന് പകരം തബ്രയിസ് ഷംസിയെ ടീമിൽ ഉൾപ്പെടുത്തിയാണ് ദക്ഷിണാഫ്രിക്ക ഇറങ്ങുന്നത്.
ആദ്യ മൂന്ന് മത്സരങ്ങളും ജയിച്ച ഇന്ത്യയ്ക്ക് കഴിഞ്ഞ കളിയിൽ അപ്രതീക്ഷിത തോൽവി ഏൽക്കേണ്ടി വന്നിരുന്നു. ഇന്ന് പോർട്ട് എലിസബത്തിൽ നടക്കുന്ന മത്സരത്തിന് മഴയുടെ ഭീഷണിയുണ്ട്. മഴ മൂലം മത്സരം ഉപേക്ഷിച്ചാലും പരമ്പര ഇന്ത്യയ്ക്ക് സ്വന്തമാകും.
https://www.facebook.com/Malayalivartha