വിജയ് ഹസാരെ ട്രോഫി: ഡൽഹിയെ തകർത്ത് കേരളത്തിന് രണ്ടാം ജയം
വിജയ് ഹസാരെ ട്രോഫിയില് കേരളത്തിന് രണ്ടാം വിജയം. കരുത്തരായ ഡൽഹിയെ രണ്ട് വിക്കറ്റിന് തകർത്തായിരുന്നു കേരളത്തിന്റെ ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഡല്ഹി 39.3 ഓവറില് 177 റണ്സിനു ഓള്ഔട്ട് ആയി.
നിധീഷ് എംഡി യുടെ തകർപ്പൻ ബൗളിംഗാണ് ഡൽഹിയെ ചുരുങ്ങിയ സ്കോറിൽ തളയ്ക്കാൻ കേരളത്തെ സഹായിച്ചത്. നിധീഷ് നാലും ഫനൂസ് രണ്ട് വിക്കറ്റ് നേടി. മറുപടി ബാറ്റിങ്ങിനിറങ്ങിയ കേരളത്തിന് കാര്യങ്ങൾ അത്ര ശുഭകരമായിരുന്നില്ല. മികച്ച തുടക്കത്തിന് ശേഷം കൃത്യമായ ഇടവേളകളിൽ കേരളത്തിന് വിക്കറ്റുകൾ നഷ്ടമായി.
എന്നാൽ സച്ചിന് ബേബിയും(52) അസ്ഹറുദ്ദീനും(21*) ചേര്ന്ന് ടീമിനെ വിജയത്തിലേക്ക് നയിക്കുകയായിരുന്നു. ഡൽഹിക്ക് വേണ്ടി നവദീപ് അമര്ജിത്ത് സൈനി നാലും ഖുല്വന്ത് ഖജ്രോലിയ മൂന്ന് വിക്കറ്റും നേടി. കഴിഞ്ഞ കളിയിൽ കേരളം ത്രിപുരയെയും പരാജയപ്പെടുത്തിയിരുന്നു.
https://www.facebook.com/Malayalivartha