ദ​ക്ഷി​ണാ​ഫ്രി​ക്ക​യ്ക്കെ​തി​രാ​യ ഏ​ക​ദി​ന പരമ്പരയിലെ അ​ഞ്ചാം മ​ത്സ​ര​ത്തി​ല്‍ ഇന്ത്യയ്ക്ക് ഭേദപ്പെട്ട സ്കോർ. ഫോ​മി​ലേ​ക്കു മടങ്ങിയെത്തിയ ഓപ്പണർ രോഹിത് ശർമ്മയുടെ സെ​ഞ്ചു​റിയാണ് ഇ​ന്ത്യ​ന്‍ ഇ​ന്നിം​ഗ്സി​ന്‍റെ സ​വി​ശേ​ഷ​ത .ഇന്ത്യ 50 ഓവറിൽ 7 വിക്കറ്റ് നഷ്ടത്തിൽ 274 റൺസ് നേടി. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയുടെ തുടക്കം മികച്ചതായിരുന്നു.

എന്നാൽ റൺനിരക്ക് ഉയർത്താനുള്ള ശ്രമത്തിൽ ധവാന്(34) വിക്കറ്റ് നഷ്ടമായി. തുടർന്നെത്തിയ കൊഹ്‌ലി നിലയുറപ്പിച്ചതോടെ ഇന്ത്യ മികച്ച സ്കോറിലേക്ക് നീങ്ങി. ര​ണ്ടാം വി​ക്ക​റ്റി​ല്‍ ഇ​രു​വ​രും ചേ​ര്‍​ന്ന് 105 റ​ണ്‍​സ് കൂ​ട്ടി​ച്ചേ​ര്‍ത്തു. രോഹിത്തുമായുള്ള ആ​ശ​യ​ക്കു​ഴ​പ്പി​ല്‍ കൊഹ്‌ലി(36) റ​ണ്ണൗ​ട്ടാ​യി. പി​ന്നാ​ലെ എ​ത്തി​യ ര​ഹാ​നെ(8)​യും രോഹിത്തു​മാ​യു​ണ്ടാ​യ ആ​ശ​യ​ക്കു​ഴ​പ്പ​ത്തി​ല്‍ വി​ക്ക​റ്റ് ന​ഷ്ട​പ്പെ​ടു​ത്തി പ​വ​ലി​യ​നി​ലേ​ക്കു മ​ട​ങ്ങി.

തുടർന്ന് ഏകദിന കരിയറിലെ 17ആം സെ​ഞ്ചു​റി നേടിയ രോഹിത്തിന്റെ വിക്കറ്റ് നഷ്ടമായി.126 പന്തിൽ നാല് സിക്സും പതിനൊന്ന് ബൗണ്ടറികളും ഉൾപ്പെടെ 115 റൺസാണ് രോഹിത് നേടിയത്. പിന്നാലെയെത്തിയ ആർക്കും പിടിച്ചു നില്ക്കാൻ കഴിയാതെ വന്നതോടെ ഇന്ത്യൻ സ്കോർ 274 റൺസിൽ ഒതുങ്ങി.