ദക്ഷിണാഫ്രിക്കയ്‌ക്കെതിരായ അവസാന ഏകദിനത്തിലും ഇന്ത്യൻ ബൗളർമാരുടെ ആധിപത്യം. പരമ്പരയിലുടനീളം മികച്ച പ്രകടനമാണ് ഇന്ത്യൻ ബൗളർമാർ കാഴ്ചവെച്ചത്. ഭുവനേശ്വർ കുമാറിന് പകരം ടീമിലെത്തിയ ഷാര്‍ദുല്‍ താക്കുർ മൂന്ന് വിക്കറ്റ് നേടി.

നേരത്തെ ടോസ് നേടിയ ഇന്ത്യ ബൗളിംഗ് തെരഞ്ഞെടുക്കുകയായിരുന്നു. പരമ്പര ഇന്ത്യ ജയിച്ചാതിനാൽ ഇന്നത്തെ മത്സരം അപ്രസക്തമാണെങ്കിലും ഇന്ത്യയുടെ മുൻ നിര താരങ്ങളെല്ലാം ഇന്നത്തെ മത്സരത്തിനുണ്ട്. ഇന്ത്യയ്ക്ക് വേണ്ടി ചാഹൽ രണ്ടും ബുംറയും കുൽദീപും ഓരോ വിക്കറ്റും വീഴ്ത്തി. ദക്ഷിണാഫ്രിക്കൻ നിരയിൽ അർദ്ധ സെഞ്ച്വറി നേടിയ സോണ്ടോ മാത്രമാണ് അല്പമെങ്കിലും പിടിച്ചു നിന്നത്.

ഒടുവിൽ വിവരം കിട്ടുമ്പോൾ ദക്ഷിണാഫ്രിക്ക 37 ഓവറിൽ 7 വിക്കറ്റ് നഷ്ടത്തിൽ 151 റൺസ് എന്ന നിലയിലാണ്.