ഐപിഎല്ലിൽ കിംഗ്സ് ഇലവൻ പഞ്ചാബിന് പുതിയ നായകൻ. ടീമിലെ സീനിയർ താരമായ യുവരാജിനെ ഒഴിവാക്കി സ്പിന്നർ രവിചന്ദ്ര അശ്വിനെ ടീമിന്റെ ക്യാപ്റ്റനായി തെരഞ്ഞെടുത്തു. ഐപിഎല്ലിലെ ആദ്യ സീസണിൽ പഞ്ചാബിന്റെ നായകനായിരുന്നു യുവരാജ്.

ഐപിഎൽ താരലേലത്തിലൂടെ ഈ സീസണിലാണ് അശ്വിൻ പഞ്ചാബിൽ എത്തിയത്. ചെന്നൈ താരമായിരുന്ന അശ്വിനെ നായകനാക്കിയ പഞ്ചാബിന്റെ തീരുമാനം അപ്രതീക്ഷിതമായിരുന്നു. എന്നാൽ അശ്വിനെ നായകനാക്കിയതിന്റെ കാരണം വ്യക്തമാക്കി പഞ്ചാബിന്റെ മെന്റര്‍ വിരേന്ദര്‍ സേവാഗ് രംഗത്തെത്തി.

ഒരു ബൗളർ നായകനായി എത്തുന്നത് ടീമിന് നല്ലതാണെന്നും. കളിയെ വ്യക്തമായി മനസിലാക്കാൻ ബൗളർക്ക് കഴിയുമെന്നും സെവാഗ് പറഞ്ഞു.വഖാർ യൂനിസ്, വസീം അക്രം, കപില്‍ ദേവ് തുടങ്ങിയവരുടെ ആരാധകനാണ് താനെന്നും ഇവർ മികച്ച നായകരായിരുന്നെന്നും സെവാഗ് വ്യക്തമാക്കി.