തിരിച്ചടിച്ച് ഇംഗ്ലണ്ട്; ന്യൂസിലൻഡിനെ തകർത്തത് ആറ് വിക്കറ്റിന്
ന്യൂസിലന്ഡിനെതിരായ ഏകദിന പരമ്പരയിലെ രണ്ടാം മത്സരത്തിൽ ഇംഗ്ലണ്ടിന് തകര്പ്പന് ജയം. ആദ്യ ഏകദിനത്തിലെ തോൽവിക്ക് ശേഷമുള്ള ഇംഗ്ലണ്ടിന്റെ ശക്തമായ തിരിച്ചുവരവിനാണ് രണ്ടാം ഏകദിനം സാക്ഷ്യം വഹിച്ചത്.
ആദ്യം ബാറ്റ് ചെയ്ത ന്യൂസീലൻഡ് 223 റൺസിന് എല്ലാവരും പുറത്തായി. മറുപടി ബാറ്റിങ്ങിനിറങ്ങിയ ഇംഗ്ലണ്ട് നാല് വിക്കറ്റ് നഷ്ടത്തിൽ ലക്ഷ്യം മറികടന്നു. അർധ സെഞ്ച്വറി നേടിയ ഇയാന് മോര്ഗാനും ബെന് സ്റ്റോക്ക്സുമാണ് ഇംഗ്ലണ്ടിന് അനായാസ ജയം സമ്മാനിച്ചത്.
നീണ്ട നാളത്തെ വിലക്കിന് ശേഷം ടീമിൽ തിരിച്ചെത്തിയ സ്റ്റോക്ക്സ് 74 പന്തില് 63 റണ്സെടുത്ത് പുറത്താകാതെ നിന്നു. മോർഗൻ 63 പന്തില് 62 റണ്സെടുത്തു. 20 പന്തില് 36 റണ്സെടുത്ത വിക്കറ്റ് കീപ്പര് ബാറ്റ്സ്മാന് ജോസ് ബട്ലറും ഇംഗ്ലണ്ടിന് വേണ്ടി മികച്ച പ്രകടനം കാഴ്ചവെച്ചു.
https://www.facebook.com/Malayalivartha