സ്മിത്ത് പുറത്ത്; ഓസ്ട്രേലിയ ഭേദപ്പെട്ട സ്കോറിലേക്ക്
ദക്ഷിണാഫ്രിക്കൻ പര്യടനത്തിലെ ആദ്യ ടെസ്റ്റിൽ ഓസ്ട്രേലിയ ഭേദപ്പെട്ട സ്കോറിലേക്ക്. അർദ്ധ സെഞ്ച്വറി നേടിയ സ്റ്റീവ് സ്മിത്ത്,ഡേവിഡ് വാര്ണർ എന്നിവരുടെ ബാറ്റിംഗ് മികവിൽ 5 വിക്കറ്റ് നഷ്ടത്തിൽ 225 റൺസ് എന്ന നിലയിലാണ് ഓസ്ട്രേലിയ.
ആദ്യ സെഷനിലെ ബാറ്റിംഗ് തകർച്ചയ്ക്ക് ശേഷം ക്യാപ്റ്റൻ സ്റ്റീവ് സ്മിത്തിന്റെ ചെറുത്തുനില്പാണ് ഓസ്ട്രേലിയയെ തകർച്ചയിൽ നിന്ന് കരകയറ്റിയത്. എന്നാൽ ചായയ്ക്ക് പിരിയുന്നതിന് മുമ്പ് സ്മിത്തിനെ പുറത്താക്കി കേശവ് മഹാരാജ് ദക്ഷിണാഫ്രിക്കയെ മത്സരത്തിലേക്ക് തിരിച്ചു കൊണ്ടുവന്നു.
പിന്നീടെത്തിയ ഷോൺ മാർഷ് ഓസ്ട്രേലിയയെ മുന്നോട്ട് നയിച്ചു. എന്നാൽ ദക്ഷിണാഫ്രിക്കയുടെ രക്ഷകനായി വീണ്ടും കേശവ് മഹാരാജ് അവതരിച്ചു. 40 റൺസ് നേടിയ മാർഷ് ഡിവില്ലേഴ്സിന് ക്യാച്ച് നൽകി മടങ്ങി. ഒടുവിൽ വിവരം കിട്ടുമ്പോൾ മിച്ചൽ മാർഷ് (32) ടിം പെയ്ൻ (21) റൺസുമായും ക്രീസിൽ ഉണ്ട്. ദക്ഷിണാഫ്രിക്കയ്ക്ക് വേണ്ടി ഫിലാണ്ടറും മഹാരാജും രണ്ട് വിക്കറ്റ് നേടി.
https://www.facebook.com/Malayalivartha