ദക്ഷിണാഫ്രിക്കയെ തകർത്ത് ഓസ്ട്രേലിയ; ജയം 118 റൺസിന്
ഡര്ബന് ടെസ്റ്റില് ഓസ്ട്രേലിയയ്ക്ക് തകർപ്പൻ ജയം. അവസാന ദിവസം വരെ ചെറുത്ത് നിന്ന ദക്ഷിണാഫ്രിക്കൻ കീപ്പർ ക്വിന്റണ് ഡിക്കോക്കിന്റെ വിക്കറ്റ് ഹാസല്വുഡ് വീഴ്ത്തിയതോടെ ഓസ്ട്രേലിയ 118 റണ്സിന്റെ ജയം സ്വന്തമാക്കി.
293/9 എന്ന നിലയില് നാലാം ദിവസം കളി അവസാനിപ്പിച്ച ആതിഥേയര്ക്ക് അഞ്ച് റണ്സ് മാത്രമാണ് കൂട്ടിചേര്ക്കാനായത്. ഓസ്ട്രേലിയയ്ക്കായി മിച്ചല് സ്റ്റാര്ക്ക് നാലും ജോഷ് ഹാസല്വുഡ് മൂന്നും വിക്കറ്റ് നേടി.മിച്ചല് സ്റ്റാര്ക്കാണ് കളിയിലെ താരം.
ആദ്യ ഇന്നിംഗ്സില് ഓസ്ട്രേലിയ 351 റണ്സും ദക്ഷിണാഫ്രിക്ക 162 റണ്സുമാണ് സ്വന്തമാക്കിയത്. രണ്ടാം ഇന്നിംഗ്സില് ഓസ്ട്രേലിയയെ 227 റണ്സിന് പുറത്താക്കാനായെങ്കിലും ആദ്യ ഇന്നിംഗ്സില് കൂറ്റന് ലീഡ് വഴങ്ങിയത് ദക്ഷിണാഫ്രിക്കയ്ക്ക് തിരിച്ചടിയായി.
സെഞ്ച്വറി നേടിയ ഓപ്പണർ മാർക്രവും അവസാനം പുറത്തായ ഡികോക്കും മാത്രമാണ് ആഫ്രിക്കൻ നിരയിൽ പിടിച്ചു നിന്നത്. മാർക്രം 143 റൺസും ഡികോക്ക് 83 റൺസും നേടി പുറത്തായി. ജയത്തോടെ ഓസ്ട്രേലിയ പരമ്പരയിൽ 1-0 മുന്നിലെത്തി.
https://www.facebook.com/Malayalivartha