സ്പാനിഷ് ലീഗില്‍ ബാഴ്‌സലോണക്ക് തകര്‍പ്പന്‍ ജയം
ലൂയി സുവാരസും ലയണല്‍ മെസിയും ഇരട്ടഗോളുമായി കളം നിറഞ്ഞതോടെ സ്പാനിഷ് ലീഗില്‍ ബാഴ്‌സലോണക്ക് തകര്‍പ്പന്‍ ജയം നേടാനായി. രണ്ടിനെതിരെ എട്ട് ഗോളുകള്‍ക്ക് ഹ്യൂസ്‌ക എഫ്.സിയെയാണ് ബാഴ്‌സ പരാജയപ്പെടുത്തിയത്.
തുടക്കത്തില്‍ ഒരു ഗോളിന് പിന്നിട്ട് നിന്ന ശേഷം വമ്പന്‍ തിരിച്ചുവരവ് നടത്തിയ ബാഴ്‌സ നിരന്തരം എതിര്‍ഗോള്‍ മുഖത്ത് പ്രഹരിക്കുന്ന കാഴ്ചയായിരുന്നു കണ്ടത്. ഗോള്‍ വേട്ടക്ക് തുടക്കമിട്ടത് ലയണല്‍ മെസിയായിരുന്നു. 16ാം മിനിറ്റിലാണ് മെസ്സിയുടെ തകര്‍പ്പന്‍ ഗോള്‍. കൂനില്‍ മേല്‍കുരുപോലെ ഹ്യൂസ്‌ക താരത്തിന്റെ വക ബാഴ്‌സക്കൊരു സെല്‍ഫ് ഗോള്‍ കൂടി ലഭിച്ചു. ശേഷം ലൂയിസ് സുവാരസും ലക്ഷ്യം കണ്ടതോടെ ആദ്യ പകുതിയില്‍ ബാഴ്‌സക്ക് മൂന്ന് ഗോളുകള്‍.
എന്നാല്‍ 42ാം മിനിറ്റില്‍ ഹ്യൂസ്‌കക്ക് പ്രതീക്ഷയേകിക്കൊണ്ട് അലെജാന്‍ന്ത്രോ ഗല്ലാര്‍ ഫല്‍ഗ്വേര ഗോളടിച്ചു. ആദ്യ പകുതി ആദ്യ പകുതിയിലെ ഒരു ഗോള്‍ ലീഡ് ആറ് ഗോള്‍ ലീഡാക്കി മാറ്റുന്ന കാഴ്ചയായിരുന്നു രണ്ടാം പകുതിയില്‍. ഒസ്മാന്‍ ഡെംബലെ, ഇവാന്‍ റാക്കിട്ടിച് ,ജോര്‍ഡി ആല്‍ബ എന്നിവര്‍ ബാഴ്‌സക്ക് വേണ്ടി വലകുലുക്കി. ഒപ്പം മെസിയും സുവാരസും ഓരോ ഗോള്‍ വീതവും നേടി. ലീഗില്‍ മൂന്ന് ജയങ്ങളുമായി ബാഴ്‌സ ഒന്നാമതാണ്.
https://www.facebook.com/Malayalivartha
