അടി, ചവിട്ട്, കൂട്ടത്തല്ല്; അഞ്ചു പേര്‍ക്ക് ചുവപ്പ് കാര്‍ഡ്; ഫ്രഞ്ച് ലീഗില്‍ സംഭവിച്ചത്; മാര്‍സെലെ താരത്തെ ചവിട്ടിക്കൂട്ടി നെയ്മര്‍; കാരണം വംശീയ അധിക്ഷേപം; മത്സര ശേഷവും പോര് തുടരുന്നു; തോല്‍വിയില്‍ ഞെട്ടിയ പി.എസ്.ജി കാണിച്ചുകൂട്ടിയത്
ആകെ മൊത്തം കൂട്ടത്തല്ല് അതാണ് കഴിഞ്ഞ ദിവസം നടന്ന പി.എസ്ജി, മാര്‍സെലെ മത്സരത്തില്‍ നടന്നത്. ഫ്രഞ്ച് ലീഗില്‍ തന്നെ ഇത്തമൊരു മത്സരം നേരത്തെയുണ്ടോ എന്നു പോലും സംശയമാണ്. കൈയ്യാങ്കളില്‍ അവസാനിച്ച മത്സരത്തിന് ശേഷം അതിന്റെ വിവാദം അവസാനിച്ചിട്ടില്ല. മാഴ്‌സലെയാണ് മറുപടിയില്ലാത്ത ഒരു ഗോളിനാണ് നിലവിലെ ചാമ്പ്യന്മാരായ പി.എസ്.ജിയെ തോല്‍പ്പിച്ചത്. ആദ്യ മത്സരത്തില്‍ ലെന്‍സിനോടും ഇതേ സ്‌കോറിന് പിഎസ്ജി തോറ്റിരുന്നു. കോവിഡില്‍ നിന്നും മുക്തനായി സൂപ്പര്‍താരം നെയ്മര്‍ എത്തിയിട്ടും രണ്ടാം കളിയില്‍ ജയം നേടാന്‍ പിഎസ്ജിക്ക് കഴിഞ്ഞില്ല. പിഎസ്ജിയുടെ സൂപ്പര്‍ താരം നെയ്മര്‍ ഉള്‍പ്പടെ അഞ്ച് പേരാണ് ചുവപ്പ് കാര്‍ഡ് കണ്ട് പുറത്തായത്. മാര്‍സെലെയുടെ അല്‍വാരോ ഗോണ്‍സാലസിന്റെ തൊഴിച്ചതിനാണ് നെയ്മര്‍ പുറത്തു പോകേണ്ടി വന്നത്. തന്നെ വംശീയമായി അധിക്ഷേപിച്ചതാണ് പ്രകോപനമെന്ന് നെയ്മര്‍ ആരോപിച്ചു. മത്സരശേഷവും നെയ്മര്‍ ഗോണ്‍സാലസിനെതിരെ വാളോങ്ങി. അവന്റെ മുഖത്തടിക്കാതെ ഗ്രൗണ്ട് വിട്ടതില്‍ മാത്രമാണ് ഖേദം ട്വിറ്ററിലൂടെ ബ്രസീലിയന്‍ താരം തന്റെ അരിശം പ്രകടിപ്പിച്ചു.
എന്നാല്‍, നെയ്മറിന്റെ ആരോപണത്തെ ഗോണ്‍സാലസ് ട്വിറ്ററിലൂടെ പ്രതിരോധിച്ചു. തന്റെ കരിയറില്‍ വംശീയതക്ക് സ്ഥാനമില്ല. ഇക്കാലയളവില്‍ നിരവധി സഹതാരങ്ങളുമായി ഇടപഴകി, അവരോടെല്ലാം സൗഹൃദം മാത്രമാണുള്ളത്. മത്സരം തോല്‍ക്കാന്‍ എന്താണ് കാരണം എന്ന് പരിശോധിക്കുകയാണ് നെയ്മര്‍ ചെയ്യേണ്ടത്, തോല്‍വി അംഗീകരിക്കുകയാണ് വേണ്ടത്, ഞങ്ങള്‍ക്ക് വിലപ്പെട്ട മൂന്ന് പോയിന്റ് ലഭിച്ചു ഗോണ്‍സാലസ് പറഞ്ഞു. നെയ്മറിന്റെ ആരോപണം അടിസ്ഥാന രഹിതമാണെന്ന് മാര്‍സെലെയുടെ കോച്ച് ആന്ദ്രെ വിലാസ് ബോസ് പറഞ്ഞു. ഫുട്‌ബോളില്‍ വംശീയതക്ക് സ്ഥാനമുണ്ടാകരുത്, അങ്ങനെയൊന്നും മത്സരത്തിനിടെ സംഭവിച്ചിട്ടില്ലെന്നാണ് വിശ്വാസം. വലിയ വീഴ്ച സംഭവിച്ചത് ഡി മരിയക്കാണ്. എതിര്‍ താരത്തിന്റെ മുഖത്ത് തുപ്പിയതാണ് പ്രശ്‌നം വഷളാക്കിയത്. ഇതൊന്നും അംഗീകരിക്കാനാകില്ല വിലാസ് ബോസ് പറഞ്ഞു.
ചാമ്പ്യന്മാരായ പി എസ് ജിക്കെതിരെ ഏറ്റവും മികച്ച വിജയമാണ് ടീം നേടിയത്. 20 മാര്‍ജിനില്‍ ജയിക്കേണ്ടതായിരുന്നു. റഫറി എന്തിനാണ് രണ്ടാം ഗോള്‍ നിഷേധിച്ചതെന്ന് അറിയില്ല വിലാസ് ബോസ് പറഞ്ഞു.1984-85 സീസണിന് ശേഷം പിഎസ്ജി ലീഗ് സീസണിലെ ആദ്യ രണ്ട് മത്സരവും തോറ്റിരിക്കുകയാണ്. ചാമ്പ്യന്‍സ് ലീഗ് ഫൈനല്‍ കളിച്ച പി എസ് ജി കിലിയന്‍ എംബാബെയും മൗറോ ഇകാര്‍ഡിയുമില്ലാതെയാണ് സീസണ്‍ ആരംഭിച്ചത്. അടുത്ത മാസം ട്രാന്‍സ്ഫര്‍ ജാലകം അടയുന്നതിന് മുമ്പായിട്ട് ടീം ലൈനപ്പ് ശക്തമാക്കാന്‍ നിര്‍ബന്ധിതരായിക്കുകയാണ് പി എസ് ജി. മത്സരത്തിന്റെ 31-ാം മിനിറ്റില്‍ ഫ്‌ളോറിയന്‍ താവുന്‍ മാഴ്‌സലേയുടെ വിജയഗോള്‍ നേടി. മാഴ്‌സലെ ജയത്തിലേക്ക് നീങ്ങവേ രണ്ട് ടീമുകളിലേക്കും കളിക്കാര്‍ തമ്മില്‍ കൈയ്യാങ്കളിയിലേക്ക് നീങ്ങി. ഇതേതുടര്‍ന്ന് പിഎസ്ജി കളിക്കാരായ കുര്‍സാവ, ലിയനാര്‍ഡോ പരേഡസ്, നെയ്മര്‍ എന്നിവര്‍ക്കും ജോര്‍ദന്‍ അമാവി ഡാരിയോ ബെനെഡെറ്റോ എന്നീ മാഴ്‌സലേ കളിക്കാര്‍ക്കും റഫറി ചുവപ്പുകാര്‍ഡ് കാട്ടി പുറത്താക്കി.
https://www.facebook.com/Malayalivartha
