സൂപ്പര്താരം നെയ്മര് നേടിയ ഹാട്രികിന്റെ കരുത്തില് പെറുവിനെതിരായ ലോകകപ്പ് യോഗ്യതാ മത്സരത്തില് ബ്രസീലിന് ജയം
സൂപ്പര്താരം നെയ്മര് നേടിയ ഹാട്രികിന്റെ കരുത്തില് പെറുവിനെതിരായ ലോകകപ്പ് യോഗ്യതാ മത്സരത്തില് ബ്രസീലിന് ജയം. രണ്ടിനെതിരെ നാലു ഗോളുകള്ക്കാണ് പെറുവിനെ ബ്രസീല് തകര്ത്തു വിട്ടത്. ആറാം മിനിറ്റില് ആന്ദ്രേ കരില്ലോയിലൂടെ പെറുവാണ് ആദ്യം മുന്നിലെത്തിയത്. 28 -ാം മിനിറ്റില് പെനാല്റ്റിയിലൂടെ നെയ്മര് ബ്രസീലിനെ ഒപ്പത്തിച്ചു. 59 -ാം മിനിറ്റില് റെനാറ്റോ ടാപിയ പെറുവിനെ ഒരിക്കല്കൂടി മുന്നിലെത്തിച്ചു. 64-ാം മിനിറ്റില് റിച്ചാര്ലിസന്റെ ഗോളിലൂടെ ബ്രസീല് ഒപ്പമെത്തി. 83ാം മിനിറ്റില് പെനാല്റ്റിയിലൂടെ നെയ്മര് മത്സരത്തിലാദ്യമായി ബ്രസീലിനെ മുന്നിലെത്തിച്ചു.
ഇഞ്ചുറി സമയത്തിന്റെ നാലാം മിനിറ്റില് ഹാട്രിക് തികച്ച് നെയ്മര് ബ്രസീലിന്റെ ലീഡ് വര്ദ്ധിപ്പിച്ചു. മത്സരത്തിന്റെ അവസാന നിമിഷങ്ങളില് രണ്ടു കളിക്കാര് ചുവപ്പ് കാര്ഡ് കണ്ട് പുറത്തായത് പെറുവിന് തിരിച്ചടിയായി. മത്സരത്തില് മൂന്നാം ഗോള് നേടിയതോടെ ബ്രസീലിന് വേണ്ടി ഏറ്റവുമധികം ഗോള് നേടിയ താരങ്ങളില് നെയ്മര് റൊണാള്ഡോയ്ക്കൊപ്പം രണ്ടാമതെത്തി. 64 ഗോളുകളാണ് ഇരുവരും ബ്രസീലിനായി നേടിയത്.
"
https://www.facebook.com/Malayalivartha