രണ്ടു പതി​റ്റാണ്ടിനരികെ സീനിയര്‍ ടീമിലും അതിന്​ മുന്നേ കുട്ടിപ്പട്ടാളത്തോടൊപ്പവും ബാഴ്​സയില്‍ മാത്രം പന്തുതട്ടിയ സുവര്‍ണ നിമിഷങ്ങൾക്ക് വിരാമം കുറിച്ച് മെസ്സി സ്സി നൂക്യാമ്ബില്‍നിന്ന്​ മടങ്ങിയപ്പോള്‍ വികാര നിര്‍ഭര യാത്രയയപ്പ്​ നല്‍കി സഹതാരങ്ങള്‍ . ഇനി ഫ്രാന്‍സില്‍ പി.എസ്​.ജിക്കൊപ്പം ബൂട്ടുകെട്ടുമെന്ന്​ ഏകദേശം ഉറപ്പായ താരത്തിനാണ്​ ദീര്‍ഘനാള്‍ കൂടെ കളിച്ചവര്‍ സമൂഹ മാധ്യമങ്ങളിലെത്തി ശുഭയാത്ര നേര്‍ന്നത്​.

വാര്‍ത്ത വ​ന്നതോടെ ഏറെനേരം നിഴല്‍വീഴ്​ത്തിയ മൗനം വെടിഞ്ഞ്​ ആദ്യമെത്തിയത്​ സെര്‍ജിയോ ബുസ്​കെറ്റ്​സ്​. 2008 മുതല്‍ നൂ ക്യാമ്പിലും പുറത്തും കളി മെനഞ്ഞും നയിച്ചും ഒന്നിച്ചുനിന്നവരാണ്​ ഇരുവരും. ''ക്ലബിനായും കൂടെയുണ്ടായിരുന്നവര്‍ക്കും നീ ചെയ്​തതിനൊക്കെ നന്ദി. ബാലനായാണ്​ നീ ഇവിടെ എത്തിയത്​. ഇ​ന്നിപ്പോള്‍ മടക്കം ചരിത്രത്തിലെ ഏറ്റവും മികച്ച താരമായി. അര്‍ഹിച്ച ഉയരങ്ങളിലേക്ക്​ നീ വഴി നടത്തി. നിനക്കൊപ്പം കളിച്ച, നിമിഷങ്ങള്‍ പങ്കിട്ടവനാണ്​ ഞാനെന്ന്​ എന്നെന്നും പറയും''- ബുസ്​കെറ്റ്​സിന്‍റെ വാക്കുകള്‍.

അന്‍സു ഫാറ്റി

''ലാ മാസിയയില്‍ എത്തുന്നവരൊക്കെയും നിങ്ങള്‍ക്കൊപ്പം പന്തുതട്ടുന്നത്​ സ്വപ്​നം കണ്ടുവന്നവരാണ്​. അത്​ എനിക്ക്​ സാധ്യമായല്ലോ, ഭാഗ്യം. ഈ രണ്ട്​ വര്‍ഷത്തിന്​ നന്ദി- പകര്‍ന്ന സ്​നേഹത്തിനും നല്‍കിയ പാഠങ്ങള്‍ക്കും. ഞാനും കുടുംബവും എന്നെന്നും നന്ദിയുള്ളവരാകും''

കുടീഞ്ഞോ

''എല്ലാറ്റിനും നന്ദി. നിങ്ങളെ കാണാനായതും കൂടെ കളിക്കാനായതും ഭാഗ്യം. എന്നോടും കുടുംബത്തോടും നല്‍കിയ സ്​നേഹവായ്​പിന്​ നന്ദി''.

സാവി ഹെര്‍ണാണ്ടസ്​

''ആ വര്‍ഷങ്ങളില്‍ നീ നല്‍കിയതിനൊക്കെയും കൃതജ്​ഞത. നീ ചെയ്യുന്നതിലൊക്കെയും ഏറ്റവും നല്ലതുവര​ട്ടെ''.

ജെറാര്‍ഡ്​ പീക്വെ

''ഇനിയൊരിക്കലും കാര്യങ്ങള്‍ പഴയപടിയാകില്ല. നൗക്യാമ്ബിലും ബാഴ്​സ നഗരത്തിലും. 20ലേറെ വര്‍ഷങ്ങള്‍ക്കു ശേഷം ബാഴ്​സ ജഴ്​സി നീ ധരിക്കില്ല. അത്​ ഉള്‍ക്കൊള്ളാനാകാത്ത യാഥാര്‍ഥ്യം. നാം കാണുന്നത്​ 2000ല്‍. 13 വയസ്സായിരുന്നു നമുക്ക്​. മുന്നില്‍കാത്തുനിന്നത്​ വലിയ ഒരു കരിയര്‍. ഇന്ന്​ നീ പോകുന്നു. എനിക്കറിയാം ഒരുനാള്‍ നീ വരുമെന്ന്​.

പെഡ്രോ

'ഒ​ാരോ കളിക്കാരനും നീ മാതൃകയായിരുന്നു. കൂടെ കളിക്കാനായത്​ ഭാഗ്യം.''