ബ്രിട്ടീഷ് പൗരനുമായി നടിയും സോഷ്യല്‍ മീഡിയ ഇന്‍ഫ്‌ലുവന്‍സറുമായ ഗായത്രി ഗോപി വിവാഹിതയായി. ബ്രിട്ടീഷ് പൗരനും സുഹൃത്തുമായ ജേക്കബ് ആണ് വരന്‍. നീണ്ട നാളത്തെ പ്രണയത്തിന് ശേഷമാണ് ഇരുവരുടെയും വിവാഹം. കുടുംബാംഗങ്ങളുടെയും സുഹൃത്തുക്കളുടെയും സാന്നിദ്ധ്യത്തിലായിരുന്നു ചടങ്ങുകള്‍ സംഘടിപ്പിച്ചത്. വിവാഹാഘോഷങ്ങളുടെ ചിത്രങ്ങളും വീഡിയോയും ഗായത്രി ഇന്‍സ്റ്റഗ്രാമില്‍ പങ്കുവച്ചു. കഴിഞ്ഞ വര്‍ഷം ഇംഗ്ലണ്ടില്‍ വച്ച് വിവാഹം കഴിഞ്ഞെങ്കിലും നാട്ടിലെ ബന്ധുക്കള്‍ക്കും സുഹൃത്തുക്കള്‍ക്കും വേണ്ടിയാണ് ഇപ്പോള്‍ പ്രത്യേക ചടങ്ങ് സംഘടിപ്പിച്ചത്.

ജേക്കബ് ഇംഗ്ലണ്ടില്‍ നിന്നാണെന്നും ലിവര്‍പൂളിലാണ് ഞങ്ങള്‍ താമസിക്കുന്നതെന്നും ഗായത്രി പറയുന്നു. കഴിഞ്ഞ ഒക്ടോബര്‍ 17ന് വിവാഹം കഴിഞ്ഞിരന്നു. എന്നാല്‍ നാട്ടില്‍ ചടങ്ങുകളൊന്നും ഉണ്ടായിരുന്നില്ല. ഇവിടെ മൂന്നു പരിപാടികളായിരുന്നു വിവാഹാഘോഷത്തിന്റെ ഭാഗമായി നടന്നത്.

ഞങ്ങളുടേത് പ്രണയവിവാഹമാണ്. നെറ്റ്‌വര്‍ക്ക് റെയില്‍വേസിലെ ടീം ലീഡ് ആണ്. മൂന്നരവര്‍ഷം മുമ്പ് കെയര്‍ ഹോമില്‍ വച്ചാണ് പരിചയപ്പെടുന്നത്. അടുത്തറിഞ്ഞത് ഒന്നരവര്‍ഷം മുമ്പാണ്. ജേക്കബിന് മലയാളം മനസിലാകും. നമ്മുടെ സംസ്‌കാരവും ജീവിതരീതിയുമൊക്കെ ജേക്കബിനും കുറച്ചൊക്കെ അറിയാം. തുല്യത കാത്തു സൂക്ഷിക്കുന്ന വ്യക്തിയാണ് ജേക്കബെന്നും ഗായത്രി പറയുന്നു.