ഇനിയൊരിക്കല്‍ക്കൂടി കളത്തിലിറങ്ങാനും പന്തു തട്ടാനും തനിക്കാവില്ലെന്നു നൂറ്റാണ്ടിന്റെ ഫുട്‌ബോള്‍ താരം പെലെ പറഞ്ഞു. ഹോട്ടല്‍ താജ് ബംഗാളില്‍ തന്നെ സ്വീകരിച്ച മുന്‍ ഇന്ത്യന്‍ ഫുട്‌ബോള്‍ താരം ചുനി ഗോസ്വാമിയുടെ ചോദ്യത്തിനു മറുപടിയായാണ് പെലെ ഇതു പറഞ്ഞത്. കൊല്‍ക്കത്തയിലെ ഫുട്‌ബോള്‍ പ്രേമികള്‍ക്കു വേണ്ടി പന്തുമായി ഒരിക്കില്‍ക്കൂടി കളത്തിലിറങ്ങാമോ എന്നു പെലെയോടു ഗോസ്വാമി ചോദിച്ചു. ശസ്ത്രക്രിയ കഴിഞ്ഞുള്ള വിശ്രമത്തിന്റെ കാലമാണ്. ഇനി കളി നടക്കില്ലെന്ന് അദ്ദേഹം ചിരിച്ചുകൊണ്ടു പറഞ്ഞു.
1977ലെ പ്രദര്‍ശന മല്‍സരത്തിനു ശേഷം സംഘാടകര്‍ ഒരുക്കിയ വിരുന്നില്‍ പെലെയ്ക്ക് ഒപ്പം നിയോഗിക്കപ്പെട്ടതു ചുനി ഗോസ്വാമിയായിരുന്നു. രണ്ടുമണിക്കൂറിലേറെ അന്ന് അദ്ദേഹത്തിന് ഒപ്പമുണ്ടായിരുന്നു. 38 വര്‍ഷത്തിനു ശേഷം കാണുമ്പോള്‍ അദ്ദേഹം തിരിച്ചറിയുമെന്ന് കരുതിയില്ല. എന്നാല്‍, പൂര്‍വസൗഹൃദത്തിന്റെ ഓര്‍മകള്‍ തെളിഞ്ഞ മുഖത്തോടെ അദ്ദേഹം പുഞ്ചിരിച്ചു. മുന്‍പു കൊല്‍ക്കത്തയിലെത്തിയതു മറക്കാനാവില്ലെന്നും കൂട്ടിച്ചേര്‍ത്തു.

ദീര്‍ഘകാലം മോഹന്‍ ബഗാന്‍ താരമായി കളം വാണ ചുനി ഗോസ്വാമി പറഞ്ഞു. അര്‍ജന്റീന താരം ലയണല്‍ മെസ്സിയെക്കുറിച്ച് എന്താണ് അഭിപ്രായമെന്നും അദ്ദേഹത്തോടു തമാശയായി ചോദിച്ചു. എല്ലാവരും ചോദിക്കുന്ന ചോദ്യമെന്നു പറഞ്ഞ് ചിരിച്ചു. പെലെയ്ക്കും മറഡോണയ്ക്കും ഒപ്പം പരിഗണിക്കാന്‍ മിടുക്കുള്ള കളിക്കാരനാണു മെസ്സി എന്നായിരുന്നു മറുപടി. ചുനി ഗോസ്വാമി പറഞ്ഞു. ലോകം കണ്ട ഏറ്റവും മികച്ച ഫുട്‌ബോള്‍ കളിക്കാരില്‍ ഒരാളാണ് പെലെ.

ആക്രമണ ഫുട്‌ബോളിന്റെ സൗന്ദര്യമാര്‍ന്ന ശൈലി ലോകത്തിനു കാട്ടിക്കൊടുത്ത അദ്ദേഹത്തെ കറുത്ത മുത്ത് എന്നാണ് ലോകം വിളിക്കുന്നത്. പന്തടക്കത്തിലും ഇരുകാലുകള്‍ക്കൊണ്ടുമുള്ള ഷൂട്ടിങ്ങിലും അവസരങ്ങള്‍ ഗോളാക്കി മാറ്റുന്നതിലും പെലെയോളം മികച്ച ഒരു താരത്തെ ഫുട്‌ബോള്‍ ലോകം കണ്ടിട്ടില്ല. ആയിരത്തിലേറെ ഗോളുകള്‍ സ്വന്തം പേരില്‍ക്കുറിച്ച പെലെ, മൂന്നു തവണ ബ്രസീലിന് ലോകകപ്പ് നേടിക്കൊടുത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha