കളിക്കിടെ എതിര്‍ടീമിലെ ഗോളിയെ മരണമുഖത്തില്‍ നിന്ന് രക്ഷിച്ച ടോഗോതാരം കളിക്കളത്തിലെ ഹീറോയായി
ടോഗോ ഫുട്‌ബോളര്‍ ഫ്രാന്‍സിസ് കോണേയെ ബൊഹമീയന്‍സ് കഌ് ഇപ്പോള്‍ വിളിക്കുന്ന ഒരു പേരുണ്ട് 'ദൈവദൂതന്‍'. കൂട്ടിയിടിയും പരിക്കും ചിലപ്പോഴൊക്കെ മരണവും ഫുട്‌ബോള്‍ മൈതാനങ്ങളിലെ പതിവ് കാഴ്ചയാണെങ്കിലും എതിര്‍ടീമിലെ കളിക്കാരനെ മരണത്തില്‍ നിന്നും രക്ഷിച്ച കോണേയെ ബൊഹമീയന്‍സ് കഌബ്ബ അംഗങ്ങള്‍ വാനോളം പുകഴ്ത്തുകയാണ്.
ചെക്ക് റിപ്പബഌക്കിലെ ലീഗ് ടീമുകളായ ബൊഹാമിയന്‍സ് 1905 സ്‌ളോവാക്കോയും തമ്മില്‍ നടന്ന മത്സരത്തിനിടയില്‍ സഹകളിക്കാരനുമായി കൂട്ടിയിടിച്ച് നാവ് വിഴുങ്ങല്‍ എന്ന അപകടകരമായ അവസ്ഥയിലേക്ക് വീണുപോയ എതിര്‍ടീമിലെ ഗോളിയെ മരണമുഖത്തു നിന്നും പിടിച്ചുകയറ്റിയത് ഫ്രാന്‍സിസ് കോണേ ആയിരുന്നു.
സ്‌ളോവാക്കോയുടെ മുന്നേറ്റക്കാരന്‍ കോണേ തൊട്ടടുത്തു നില്‍ക്കുമ്പോള്‍ പ്രതിരോധക്കാരനും സഹകളിക്കാരനുമായ ദാനിയേ കര്‍ച്ചുമായി കൂട്ടിയിടിച്ചു കുഴഞ്ഞുവീണ ബൊഹാമിയന്‍സിന്റെ ഗോള്‍ കീപ്പര്‍ മാര്‍ട്ടിന്‍ ബെര്‍കോവെക്ക് നാക്ക് വിഴുങ്ങുന്ന അവസ്ഥയിലേക്ക് പോയി. എന്നാല്‍ ഓടിയെത്തിയ ഫ്രാന്‍സിസ് കോണേ ബെര്‍കോവെക്കിന്റെ വായില്‍ കയ്യിട്ട് നാവ് വിഴൂങ്ങാതെ പിടിച്ചു നിര്‍ത്തി. ഡോക്ടര്‍മാര്‍ ഓടിയെത്തുമ്പോഴേയ്ക്കും അപകടനില തരണം ചെയ്ത ബെര്‍കോവിക്കിനെ പിന്നീട് പ്രാഥമിക ചികിത്സ നല്‍കി ആശുപത്രിയിലേക്ക് മാറ്റി. ഉടന്‍ തന്നെ ബെര്‍കോവ് പൂര്‍ണ്ണ സുഖം പ്രാപിക്കുമെന്നാണ് വിവരം.
അത്യാവശ്യ സമയത്ത് വേണ്ടപോലെ പ്രവര്‍ത്തിച്ച കോണേയ്ക്ക് നന്ദി രേഖപ്പെടുത്തുന്നു എന്ന് വൈകിട്ട് തന്നെ ബെര്‍കോവ് ഫേസ്ബുക്കില്‍ കുറിച്ചു. യഥാര്‍ത്ഥ സ്‌പോര്‍ട്‌സ്മാന്‍ സ്പിരിറ്റ് കാട്ടിയ കോണേയെ സ്‌ളോവാക്കോയുടെ പരിശീലകന്‍ മൈക്കല്‍ കോര്‍ദൂളയും അഭിനന്ദനങ്ങള്‍ കൊണ്ടു മൂടി.
അതേസമയം കോണേ ഈ രീതിയില്‍ കളിക്കാരെ രക്ഷിക്കുന്നത് ഇത് നാലാം തവണയാണെന്നതാണ് വസ്തുത. ചെറിയ കരിയറില്‍ തായ്‌ലന്റ്, ഒമാന്‍, പോര്‍ച്ചുഗല്‍, ഹംഗറി, ടോഗോ, ഐവറി കോസ്റ്റ് എന്നിവിടങ്ങളില്‍ കളിച്ചിട്ടുള്ളയാളാണ് കോണേ. സ്‌പോര്‍ട്‌സ്മാന്‍ സ്പിരിറ്റിന്റെ അസാധാരണ സ്മരണകള്‍ക്ക് വേദിയായ ഈ മത്സരത്തില്‍ പക്ഷേ ഇരു ടീമുകള്‍ക്കും ഗോളടിച്ച് രസിപ്പിക്കാനായില്ല
https://www.facebook.com/Malayalivartha
