ആഴ്‌സണലിന് പതിമൂനാം എഫ്.എ കിരീടം
ഏറ്റവും കൂടുതല്‍ എഫ് എ കപ്പ് നേടുന്നടീമാണ് ആഴ്‌സണല്‍ ഇംഗ്ലീഷ് പ്രീമിയര്‍ ലീഗ് ചാമ്പ്യന്‍മാരായ ചെല്‍സിയെ ഒന്നിനെതിരെ രണ്ട് ഗോളുകള്‍ക്ക് പരാജയപ്പെടുത്തിയാണ് ഗണ്ണേഴ്‌സ് എഫ് എ കപ്പില്‍ റെക്കോഡ് നേട്ടമിട്ടത് നാലാം മിനിറ്റിലാണ് ചിലി താരം സാഞ്ചസ് ചെല്‍സിയുടെ വല കുലുക്കുന്നത് . രണ്ടാം ഗോള്‍ എഴുപത്തൊമ്പതാം മിനിറ്റില്‍ റാംസിയുടെ വക. എഴുപത്താറാം മിനിറ്റിലാണ് ഡിയഗോ കോസ്റ്റ ചെല്‍സിയുടെ ആശ്വാസ ഗോള്‍ നേടുന്നത്.
അറുപത്തെട്ടാം മിനുട്ടില്‍ . സമനില ഗോളിന് വേണ്ടി പരക്കം പായുന്നതിനിടെ പെനാല്‍റ്റി നേടിയെടുക്കാന്‍ വേണ്ടി ബോക്‌സിനുള്ളില്‍ അഭിനയിച്ചു വീണാണ് വിക്ടര്‍ മോസസ് റെഡ് കാര്‍ഡ് കണ്ടു പുറത്തായത് . എഫ് എ കപ്പ് ഫൈനലില്‍ ചുവപ്പ് കാര്‍ഡ് കാണുന്ന അഞ്ചാമത്തെ താരമാണ് വിക്ടര്‍ മോസസ്.
ആദ്യമായി എഫ് എ കപ്പ് ഫൈനല്‍ നിയന്ത്രിക്കാന്‍ അവസരം ലഭിച്ച റഫറി ആന്റണി ടെയ്‌ലര്‍ ശ്രദ്ധേയമായ നിലപാടുകളുമായി കൈയ്യടി നേടി. ആദ്യത്തേത് ആഴ്‌സണലിന് വേണ്ടി സാഞ്ചസ് നേടിയ ലീഡ് ഗോള്‍ ലൈന്‍ റഫറി ഓഫ് സൈഡ് വിധിച്ച് നിഷേധിച്ചപ്പോഴായിരുന്നു. റാംസി ഓഫ് സൈഡ് പൊസിഷനിലായിരുന്നെങ്കിലും പന്തുമായി കോണ്ടാക്ടിന് ശ്രമിച്ചിരുന്നില്ല. സാഞ്ചസ് ബോക്‌സിന് പുറത്ത് വെച്ച് നെഞ്ചിലെടുത്ത് തള്ളി വിട്ട പന്ത് റാംസി തൊടേണ്ടതില്ലെന്ന് സാഞ്ചസ് നിര്‍ദേശം നല്‍കി. അനായാസം ഫിനിഷ് ചെയ്തു. ഇത് പക്ഷേ, ലൈന്‍ റഫറി ഓഫ് സൈഡ് വിധിച്ചു. ടെയ്‌ലര്‍ ഇടപെട്ട് ഗോള്‍ വിധിച്ചു. രണ്ടാമത്തേത്ത് വിക്ടര്‍ മോസസിന് ചുവപ്പ് കാര്‍ഡ് നല്‍കിയും കയ്യടി നേടി.
ഏഴാം എഫ് എ കപ്പ് കിരീടമാണ് ആര്‍സെന്‍ വെംഗര്‍ ആഴ്‌സണലിന് നേടിക്കൊടുത്തത്. ക്ലബ്ബ് ചരിത്രത്തിലെ ലെജന്‍ഡായ വെംഗര്‍ എഫ് എ കപ്പ് ചരിത്രത്തിലും ലെജന്‍ഡായി മാറി. ഇതോടെ, ആഴ്‌സണലില്‍ തുടരാനുള്ള ഓക്‌സിജന്‍ വെംഗര്‍ നേടിയെടുത്തു എന്ന് വിശ്വസിക്കാം.
https://www.facebook.com/Malayalivartha
