വെല്ലിവിളികള് നേരിടുമ്പോഴും പിഴക്കാത്ത തന്ത്രങ്ങളുമായി ജോക്വിം ലോ
ചിലപ്പോള് തോന്നും ലോ അഹങ്കാരിയാണെന്ന്. ലോകകപ്പ് നേടിയതിന്റെ വമ്പത്തരം കാട്ടിയാണ് യുവ തലമുറയെയും കൊണ്ട് ചാമ്പ്യന്മാരുടെ പോരാട്ടമായ ഫിഫ കോണ്ഫെഡറേഷന് കപ്പിലേക്ക് പുറപ്പെടുന്നത് എന്ന്. ഇത് ഓരോ ഫുട്ബോള് ആരാധകനും മനസ്സില് പറയാതെ പറഞ്ഞത്. ലോകത്തിലെ നമ്പര് വണ് ടീം കൈയ്യിലുള്ളപ്പോള് ഇദ്ദേഹം എന്തിനുള്ള പുറപ്പാടാണ് എന്ന്. എന്നാല് ലോയുടെ തന്ത്രങ്ങള് പിഴക്കുന്നില്ല. പരിശീലകനായി ജര്മന് നാഷണല് ടീമില് കേറിയതിനു ശേഷം നേട്ടങ്ങള് മാത്രം.
ക്ലബ് ഫുടബോളില് 2016-2017 സീസണില് റയല് മാഡ്രിഡില് സിദാന് ചെയ്തു വിജയിച്ച അതെ രീതി ' ഒരേ സമയം ലോകോത്തര നിലവാരത്തിലുള്ള രണ്ടു ടീമുകളെ ഒരുമിച്ചു വാര്ത്തെടുക്കുക.' രാജ്യത്തിനായി ലോയും ഇത് ചെയ്തു വിജയിച്ചു കൊണ്ടിരിക്കുന്നു...
ലാറ്റിനമേരിക്കയിലെ രാജാക്കന്മാര് തുടര്ച്ചയായി രണ്ടു തവണ കിരീടം ചൂടിയ ചിലി കിരീടം നേടിയ ടീമിനെ നിലനിര്ത്തി സര്വ സന്നാഹങ്ങളുമായി വന്നിട്ടും ജര്മനിയുടെ ഈ രണ്ടാം നിരയെ തോല്പ്പിക്കാനോ ഗ്രൂപ്പില് മറി കടക്കാനോ കഴിഞ്ഞില്ല. ഗ്രൂപ്പ് ചാമ്പ്യന്മാരായി സെമി പ്രവേശനം നേടിയ ജര്മ്മന് ടീം അതിന്റെ ക്രെഡിറ്റിലെ വലിയൊരു പങ്ക് ഈ ചാണക്യ തന്ത്രങ്ങള്ക്കുടമായ ജോകിം ലോക്ക് അര്ഹതപ്പെട്ടതാണ്.
ഗ്രൂപ്പ് ഘട്ടം അവസാനിച്ചപ്പോഴും ടോപ് സ്കോറര് ലിസ്റ്റില് ഉള്ള മൂന്നു മൂന്നു യൂറോപ്യന് താരങ്ങളില് രണ്ടു പേരും ഈ ജര്മന് പടയില് നിന്നുതന്നെ. ജര്മന് ആരാധകരുടെ എണ്ണം നാള്ക്കുനാള് വര്ധിക്കുന്നതും ഇതേ കാരണം കൊണ്ടു തന്നെ. സ്ഥിരതയാര്ന്ന പ്രകടനം കാഴ്ചവെക്കുന്ന ഒരു രാജ്യാന്തര ടീമിന്റെ പേര് ചോദിച്ചാല് ഫുട്ബോള് ആരാധകര്ക്ക് ആദ്യം മനസ്സില് വരുന്ന പേര് ജര്മനി എന്നായിരിക്കും.
വര്ഷങ്ങളായി തുടര്ന്നു വരുന്നു എടുത്തുപറയാന് ഒരു താരം ചിലപ്പോള് ഇവര്ക്കുണ്ടാവില്ല എന്നാല് എടുത്തുപറയാന് കഴിയുന്ന ഒരു മികച്ച ടീം ഉണ്ട് അന്നും ഇന്നും ജര്മനിക്ക്. ഇത്തവണ കലാാശപോരാട്ടത്തിനരികെ എത്തിനില്ക്കുന്ന ജര്മനിയുടെ സെമിഫൈനലിലെ എതിരാളികള് മെക്സിക്കോയാണ്.
ഫുടബോള് ലോകം കാത്തിരിക്കുന്നത് ലോയുടെ തന്ത്രങ്ങള് ഇവിടെയും വിജയിക്കുമോ ...?കാത്തിരുന്നു കാണാം.
https://www.facebook.com/Malayalivartha
