യെലേന ഇസിന്‍ബയേവ വിരമിക്കുന്നു
റഷ്യന്‍ പോള്‍വാള്‍ട്ട്‌ ഇതിഹാസം യെലേന ഇസിന്‍ബയേവ വിടപറയുന്നു. ആഗസ്റ്റില്‍ റഷ്യയില്‍ നടക്കുന്ന ലോകചാമ്പ്യന്‍ഷിപ്പോടെ താന്‍ വിരമിക്കുമെന്ന്‌ യെലേനതന്നെ വ്യക്തമാക്കി. കാലിനേറ്റ പരിക്കുകാരണം വളരെകുറച്ച്‌ മത്സരങ്ങളില്‍ മാത്രമാണ്‌ ഈവര്‍ഷം യെലേനക്ക്‌ പങ്കെടുക്കാന്‍ സാധിച്ചത്‌.
തന്റെ ആദ്യവിജയത്തിന്‌ സാക്ഷിയായ മോസ്‌കോയില്‍ തന്നെ മറ്റൊരു സ്വര്‍ണ്ണ നേട്ടത്തോടെ വിരമിക്കാനാണ്‌ ആഗ്രഹിക്കുന്നതെന്നും യെലേന വ്യക്തമാക്കി. 2004 മുതല്‍ 2009 വരെ ഔട്ട്‌ഡോര്‍, ഇന്‍ഡോര്‍ ലോകചാമ്പ്യന്‍ഷിപ്പുകളിലും ഒളിമ്പിക്‌സിലുമായി ഒമ്പത് സ്വര്‍ണമെഡലുകള്‍ കരസ്ഥമാക്കിയ താരമാണ് ഇസിന്‍ബയേവ. 2004, 2005, 2008 വര്‍ഷങ്ങളില്‍ അന്താരാഷ്ട്ര അത്‌ലറ്റിക് ഫെഡറേഷന്റെ മികച്ച അത്‌ലറ്റായും അവര്‍ തിരഞ്ഞെടുക്കപ്പെട്ടു. ഔട്ട്‌ഡോറിലും (5.06 മീ) ഒളിമ്പിക്‌സിലും (5.05 മീ) യൂത്ത്, ജൂനിയര്‍ വിഭാഗങ്ങളിലും നിലവിലെ റെക്കോഡ് ഇസിന്‍ബയേവയുടെ പേരിലാണ്.
https://www.facebook.com/Malayalivartha
