വനിതാ പ്രീമിയര് ലീഗില് എട്ട് വിക്കറ്റിന്റെ തകര്പ്പന് ജയം സ്വന്തമാക്കി റോയല് ചലഞ്ചേഴ്സ് ബാംഗ്ലൂര്
വനിതാ പ്രീമിയര് ലീഗില് എട്ട് വിക്കറ്റിന്റെ തകര്പ്പന് ജയം സ്വന്തമാക്കി റോയല് ചലഞ്ചേഴ്സ് ബാംഗ്ലൂര്. വനിതാ പ്രീമിയര് ലീഗ് കിരീടത്തില് ആര്സിബിയുടെ മുത്തം. തുടര്ച്ചയായി രണ്ടാം വട്ടവും ഫൈനലിലെത്തിയിട്ടും ഡല്ഹി ക്യാപിറ്റല്സ് ഇനിയും കാത്തിരിക്കേണ്ടി വരും.
ഐപിഎല്ലില് ഇത്ര കാലമായിട്ടും കിരീടം നേടാന് റോയല് ചലഞ്ചേഴ്സ് ടീമിനു സാധിച്ചിട്ടില്ല. എന്നാല് അവര് വനിതകളിലൂടെ ആ നേട്ടം സ്വന്തമാക്കി. പ്രഥമ സീസണില് മുംബൈ ഇന്ത്യന്സായിരുന്നു കിരീട ജേതാക്കള്. മുംബൈയെ തകര്ത്താണ് ബാംഗ്ലൂര് ഫൈനലിലേക്ക് മുന്നേറിയത്. ആദ്യം ബാറ്റ് ചെയ്ത ഡല്ഹിയുടെ പോരാട്ടം 18.3 ഓവറില് 113 റണ്സില് തീര്ത്താക്കാന് ആര്സിബിക്കായി.
വിജയം തേടിയിറങ്ങിയ അവര് രണ്ട് വിക്കറ്റ് മാത്രം നഷ്ടത്തില് ലക്ഷ്യം കണ്ടു. 19.3 ഓവറില് രണ്ട് വിക്കറ്റ് നഷ്ടത്തില് ബാംഗ്ലൂര് 115 റണ്സ് സ്വന്തമാക്കിയാണ് ലക്ഷ്യം കണ്ടത്.അനായാസ ലക്ഷ്യത്തിലേക്ക് ബാറ്റേന്തിയ ആര്സിബി കരുതലോടെ മുന്നേറി.
ക്യാപ്റ്റന് സ്മൃതി മന്ധാന (31), സോഫി ഡിവൈന് (32) എന്നിവര് മികച്ച തുടക്കമിട്ട ശേഷമാണ് പിരിഞ്ഞത്.പിന്നീടെത്തിയ എല്ലിസ് പെറി (35), റിച്ച ഘോഷ് (17) എന്നിവര് പുറത്താകാതെ നിന്നു ടീമിനെ വിജയത്തിലേക്കും കിരീട നേട്ടത്തിലേക്കും നയിച്ചു. ഡല്ഹിക്കായി ശിഖ പാണ്ഡെ, മലയാളി താരം മിന്നു മണി എന്നിവര് ഓരോ വിക്കറ്റുകള് നേടുകയും ചെയ്തു.
https://www.facebook.com/Malayalivartha
