ഇംഗ്ലീഷ് പ്രീമിയര് ലീഗില് ലീസ്റ്റര് സിറ്റിക്ക് കിരീടം
ഇംഗ്ലീഷ് പ്രീമിയര് ലീഗില് ലീസ്റ്റര് സിറ്റി കിരീടം നേടി. ചെല്സി-ടോട്ടനം മത്സരം സമനിലയില് പിരിഞ്ഞതോടെ സീസണില് ലീസ്റ്റര് കിരീടമുറപ്പിച്ചു. രണ്ടു മത്സരങ്ങള് ശേഷിക്കെയാണ് ലീസ്റ്റര് കിരീടം നേടിയത്. ഇനിയുള്ള രണ്ടു മത്സരങ്ങള് ജയിച്ചാലും ടോട്ടനത്തിന് ലീസ്റ്ററിനെ മറികടക്കാനാവില്ല. ഇതാദ്യമായാണ് ലീസ്റ്റര് സിറ്റി പ്രീമിയര് ലീഗ് കിരീടം നേടുന്നത്. സീസണിന്റെ തുടക്കത്തില് ലീസ്റ്ററിനു കല്പ്പിച്ചിരുന്നത് അയ്യായിരത്തില് ഒരു സാധ്യത മാത്രമാണ്.
132 വര്ഷം പ്രായമുള്ള ക്ലബിന്റെ ആദ്യ പ്രീമിയര് ലീഗ് കിരീടമാണിത്. ലീഗില് കിരീടം നേടുന്ന ആറാമത്തെ ടീമെന്ന ബഹുമതിയാണ് ലീസ്റ്ററിനു ലഭിച്ചിരിക്കുന്നത്. 36 കളിയില് നിന്ന് ലീസ്റ്റര് 77 പോയിന്റുമായി ഒന്നാം സ്ഥാനത്താണ്. 36 മത്സരങ്ങളില് നിന്ന് 70 പോയിന്റുമാത്രമാണ് രണ്ടാം സ്ഥാനത്തുള്ള ടോട്ടനത്തിനുള്ളത്. ഇനിയുള്ള രണ്ടു മത്സരങ്ങള് ജയിച്ചാലും 76 പോയിന്റേ അവര്ക്കു നേടാനാകു. കഴിഞ്ഞ ദിവസം, മാഞ്ചസ്റ്റര് യുണൈറ്റഡിനെ തോല്പ്പിച്ച് ഇംഗ്ലീഷ് പ്രീമിയര് ലീഗ് ചാമ്പ്യന്മാരാകാമെന്ന ലീസ്റ്റര് സിറ്റിയുടെ മോഹം സമനിലയില് അവസാനിച്ചിരുന്നു. എന്നാല് ഇന്നു നടന്ന ചെല്സി-ടോട്ടനം മത്സരം സമനില (2-2) പാലിച്ചതോടെയാണ് ലീസ്റ്റര് പോയിന്റു പട്ടികയില് ഒന്നാം സ്ഥാനം ഉറപ്പിച്ചത്.
വെറും 300 കോടി രൂപയ്ക്കു തട്ടിക്കൂട്ടിയ ടീമുമായി പ്രീമിയര് ലീഗിലെിറങ്ങിയ റെനേരിയയുടെ ടീമിന്റെ കുതിപ്പ് അപ്രതീക്ഷിതമായിരുന്നു. മാഞ്ചസ്റ്റര് യുണൈറ്റഡിന്റെ മുന്നിര താരം യുവാന് മാട്ടയുടെ പ്രതിഫലം പോലും റെനേരിയയുടെ ടീമിന്റെ വിലയേക്കാള് കൂടുതലാണ്. ലീസ്റ്റര് സിറ്റി ഇതുവരെയും ഫസ്റ്റ് ഡിവിഷനോ പ്രീമിയര് ലീഗ് ചാമ്പ്യനോ ആയിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha