കൊച്ചി: ഫെഡറേഷന്‍ കപ്പ്‌ ദേശീയ വോളിബോള്‍ ചാമ്പ്യന്‍ഷിപ്പില്‍ നിലവിലെ ചാമ്പ്യന്‍മാരായ കേരളത്തിന്‌ ആദ്യജയം. അഞ്ചുസെറ്റ്‌ നീണ്ടു നിന്ന പോരാട്ടത്തിലാണ്‌ കരുത്തരായ പഞ്ചാബിനെ കേരളം മറികടന്നത്‌. ഷാജി.കെ.തോമസ്‌ കേരളത്തിനുവേണ്ടി ഏറ്റവും കൂടുതല്‍ പോയിന്റ്‌ നേടി കളിയുടെ ആദ്യം മുതല്‍ക്ക്‌ തന്നെ കേരളത്തിനായിരുന്നു മേല്‍കൈ. ടോം ജോസിനെ മികച്ച കളിക്കാരനായി തിരഞ്ഞെടുത്തു. രണ്ടാം കളി സര്‍വീസസും ഹരിയാനയും തമ്മിലായിരുന്നു. ജിമ്മിജോര്‍ജ്ജ്‌ സ്റ്റേഡിയത്തില്‍ മത്സരത്തിന്റെ ഉത്‌ഘാടനം കേന്ദ്ര മന്ത്രി കെ.വി.തോമസ്‌ നിര്‍വ്വഹിച്ചു.
ഇന്ന്‌ ആദ്യകളിയില്‍ റെയില്‍വേ-ഹരിയാനയും രണ്ടാം കളിയില്‍ തമിഴ്‌നാട്‌-യു.പി.യെയും മൂന്നാം കളിയില്‍ ഉത്തരാഖണ്ഡ്‌ രാജസ്ഥാനെയും നേരിടും.