യുഎസ് ഓപ്പണ്‍ ടെന്നീസ് പുരുഷ സിംഗിള്‍സ് കിരീടം കാര്‍ലോസ് അല്‍കാരസ് നേടി. നിലവിലെ ചാംപ്യനും ഒന്നാം നമ്പര്‍ താരവുമായ ഇറ്റലിയുടെ യാനിക് സിന്നറെ പരാജയപ്പെടുത്തിയാണ് അല്‍കാരസിന്റെ കിരീട നേട്ടം സ്വന്തമാക്കിയത്.

നാലു സെറ്റുകള്‍ നീണ്ട പോരാട്ടത്തിനൊടുവിലാണ് അല്‍കാരസ് രണ്ടാമത്തെ യുഎസ് ഓപ്പണ്‍ കിരീടം സ്വന്തമാക്കിയത്. അല്‍കാരസിന്റെ ആറാമത്തെ ഗ്രാന്‍ഡ്സ്ലാം കൂടിയാണിത്. സ്‌കോര്‍ 2-6, 6-3, 1-6, 4-6.

ആദ്യ ഗെയിം മുതല്‍ തന്നെ അല്‍ക്കരാസ് മത്സരത്തില്‍ മേധാവിത്വം പുലര്‍ത്തിയിട്ടുണ്ടായിരുന്നു. സിന്നര്‍ തിരിച്ചുവരവിന്റെ സൂചനകള്‍ നല്‍കിയെങ്കിലും ഫലം കണ്ടില്ല. കടുത്ത പോരാട്ടമായിരുന്നു രണ്ടാം സെറ്റില്‍ ഇരുതാരങ്ങളും കാഴ്ചവച്ചത്. 2022 ല്‍ ആണ് കാര്‍ലോസ് അല്‍കാരസ് യുഎസ് ഓപ്പണിലെ ആദ്യ കിരീടം സ്വന്തമാക്കുന്നത്.

നോര്‍വേയുടെ കാസ്പര്‍ റൂഡിനെ തോല്‍പിച്ചായിരുന്നു കിരീട നേട്ടം. മൂന്നാം തവണയാണ് ഈ വര്‍ഷം ഗ്രാന്‍ഡസ്ലാം ഫൈനലില്‍ അല്‍കാരസും സിന്നറും നേര്‍ക്കുനേര്‍ വരുന്നത്. യുഎസ് ഓപ്പണിലെ വിജയത്തോടെ ലോക റാങ്കിങ്ങിലെ ഒന്നാം സ്ഥാനവും അല്‍ക്കരാസിന് തിരിച്ചുകിട്ടും. 2023 സെപ്റ്റംബറിന് ശേഷം ആദ്യമായാണ് അല്‍ക്കരാസ് ഒന്നാം സ്ഥാനത്തേക്ക് തിരിച്ചുവരുന്നു.