പരമ്പരാഗത വസ്ത്രങ്ങള് അണിയാം...
വിശേഷാവസരങ്ങളിലും അല്ലാതെയും പരമ്പരാഗത രീതിയിലുള്ള വസ്ത്രങ്ങള് അണിയാന് യൂത്തിന്് ഇഷ്ടമാണ്. സ്ത്രീകള്ക്കായുള്ള പരമ്പരാഗത വസ്ത്രശ്രേണിയില് ഗോള്ഡന് നിറത്തിലുള്ള കേരളസാരികളാണ് ലേറ്റസ്റ്റ്. ബോര്ഡറില് വീതികൂടിയ കസവും ബോഡി മുഴുവന് ഗോള്ഡന് നിറത്തിലുള്ള നേരിയ വരകളും ഉണ്ടാകും. മുന്താണിയില് നിറയെ ഗോള്ഡന് വര്ക്കു ചെയ്തിരിക്കുന്ന ഇത്തരം സാരികള്ക്കൊപ്പം ബ്ലൗസ് തുണികളും ലഭിക്കും. ബ്ലൗസിലും ചെറിയ ഗോള്ഡന് വരകള് കാണും. ഇവയ്ക്ക് 950 മുതല് 1500 രൂപവരെയാണ് വില. ഫ്ളോറല് പ്രിന്റ് സാരികളാണ് മറ്റൊരാകര്ഷണം. പൂക്കളും മയില്പ്പീലിയും മാങ്ങയുമൊക്കെ കൂട്ടത്തില്കാണും. സാരിയുടെ പല്ലുവിലും ബോര്ഡറുകളിലുമാണ് അധികം ആഡംബരമില്ലാതെ ഫ്ളോറല് പ്രിന്റുകള് നിറയുന്നത്. 1000 രൂപയ്ക്കു മുകളിലേക്കാണ് ഇവയുടെ വില.
ബ്രൊക്കേഡ് സെറ്റുസാരികള്ക്കും ആവശ്യക്കാര് ഏറെയാണ്. മുന്താണിയിലും ഫഌറ്റ്സിലും മാത്രം ബ്രൊക്കേഡ് ഉണ്ടാകും. വശങ്ങളില് ഗോള്ഡന് സ്റ്റിച്ചിംഗ് ആണ് ഇതിന്റെ സവിശേഷത. 750 രൂപ മുതലാണ് ഇവയുടെ വില
ബ്രൊക്കേഡ് സെറ്റുമുണ്ടുകളും ലിസ്റ്റിലുണ്ട്. കേരളസാരിയുടെ തുണിയില് ബ്രൊക്കേഡും കസവും ചേര്ന്ന വീതി കൂടിയ മുണ്ടും നേര്യതുമാണ് ബ്രൊക്കേഡ് സെറ്റുമുണ്ടുകളെ കൂടുതല് മനോഹരമാക്കുന്നത്. ഇവയ്ക്കൊപ്പം ബ്രൊക്കേഡ് ബ്ലൗസും ലഭ്യമാണ്. ഗ്രീന്, മെറൂണ്, ബ്രൗണ്, ഓറഞ്ച്, വയലറ്റ് എന്നിവയാണ് മൂവിങ് കളേഴ്സ്. ബ്രൊക്കേഡ് സെറ്റുമുണ്ടുകളില് ഡാര്ക്ക് കളേഴ്സിനാണ് ആരാധകര് ഏറെയും. 600 മുതല് 1200 രൂപ വരെയാണ് ഇവയ്ക്ക് വില.
ജന്റ്സ് ഫാഷനില് മുണ്ടുകളില് രാജാധിരാജ, പെരുച്ചാഴി തുടങ്ങിയ സിനിമാപ്പേരുകളിലുള്ള മുണ്ടുകളാണ് താരങ്ങള്. ഇരുവശങ്ങളിലും സ്വര്ണനിറവും നടുവില് കരയും ചേര്ന്നതാണ് രാജാധിരാജ മുണ്ടുകള്. കരയില് പച്ച, നീല, വയലറ്റ് തുടങ്ങിയ െ്രെബറ്റ് കളേഴ്സുതന്നെയാണ് ട്രെന്ഡ്. ഈ കളറുകളില് കറുത്ത നിറത്തിലുള്ള ചെറിയവരകള് തുന്നിയിട്ടുണ്ടാകും. 395 രൂപ മുതലാണ് ഇവയുടെ വില. കസവില് കറുപ്പിനൊപ്പം മറ്റൊരു നിറത്തിലുള്ള കര വരുന്നതാണ് പെരുച്ചാഴി മുണ്ടുകള്. കറുപ്പും പച്ചയും, കറുപ്പും ചുവപ്പും, കറുപ്പും മഞ്ഞയും ഇങ്ങനെ പോകുന്നു ഇവയുടെ കളര് കോംബിനേഷനുകള്.
ഷര്ട്ടിന്റെ നിറത്തോടു മാച്ച് ചെയ്യുന്ന കരയുള്ള മുണ്ടുകളോടാണ് ചെറുപ്പക്കാര്ക്ക് പ്രിയം. എല്ലാനിറങ്ങളിലുള്ള കരകളും ഉണ്ടാകും. കസവ് നേരിയതായിരിക്കും. 300 മുതല് 700 രൂപവരെയാണ് ഇവയുടെ വില. കസവ് മാത്രമുള്ള മുണ്ടുകള്ക്ക് 350 രൂപ മുതല് വിലയുണ്ട്. മുണ്ടിനൊപ്പം അണിയാന് കുര്ത്തയും ഷര്ട്ടുമൊക്കെ വിപണിയില് റെഡിയാണ്. ചന്ദനകളര്, ബ്ലാക്ക്, വൈറ്റ് നിറങ്ങളിലുള്ള കുര്ത്തകള്ക്കാണ് ഡിമാന്ഡ്. 450 മുതല് 950 രൂപ വരെയാണ് കുര്ത്തയുടെ വില. പ്ലെയിന് ഷര്ട്ടുകളോടാണു പലര്ക്കും പ്രിയം.
https://www.facebook.com/Malayalivartha