ഏറ്റവും എളുപ്പത്തിൽ ഒരു ചിക്കൻ കട്‌ലറ്റ് ഉണ്ടാക്കിയാലോ. ചേരുവകൾ ഇതാ...

ചിക്കൻ ചെറിയതായി മുറിച്ചത് (1/2 kg) bone less 

കുരുമുളകുപൊടി(1 or 2 ടേബിൾ സ്പൂൺ)എരിവ് അനുസരിച്

മഞ്ഞൾപ്പൊടി -കാൽ ടി സ്പൂൺ

ഇഞ്ചിവെളുത്തുള്ളി ചെറുതായി അരിഞ്ഞത് -1 ടേബിൾ സ്പൂൺ

പച്ചമുളക് പൊടിയായി അരിഞ്ഞത് -5 (എരിവ് അനുസരിച്ച് )

സവാള ചെറുതായി അരിഞ്ഞത് -1

ഉരുളക്കിഴങ്ങ് -2

മുട്ട -2

ബ്രഡ് ക്രമ്സ്

എണ്ണ

ആദ്യം ഉരുളക്കിഴങ്ങ് നന്നായി പുഴുങ്ങിയെടുക്കുക .ചിക്കനിലേക്കു മഞ്ഞൾപ്പൊടിയും ഉപ്പും മസാലപ്പൊടിയും ചേർത്ത് പത്തു മിനിട്ട് വെച്ച ശേഷം അൽപ്പം വെള്ളമൊഴിച്ചു അടച്ചു വേവിക്കുക.ഒരു പത്തു പതിനഞ്ചു മിനിട്ടു മതിയാകും.വെള്ളം വറ്റിച്ചു എടുക്കുക.തണുത്ത ശേഷം മിക്സിയിലിട്ട് ഒന്ന് പൊടിച്ചെടുക്കുക.പാനിൽ അൽപ്പം എണ്ണ ഒഴിച്ച് സവാള,വെളുത്തുള്ളി ,ഇഞ്ചി,പച്ചമുളക്,കറിവേപ്പില അരിഞ്ഞത് എന്നിവ ഒന്ന് വഴറ്റിയെടുക്കുക.

കുരുമുളകുപൊടിയും ഉപ്പും മസാലപ്പൊടിയും ചേർത്തിളക്കുക.പുഴുങ്ങി വെച്ചിരിക്കുന്ന ഉരുളക്കിഴങ്ങു നന്നായി ഉടച്ചു ചിക്കനും ഉള്ളി മസാല മിക്സും ചേർത്ത് നന്നായി മിക്സ് ചെയ്യുക.ചെറിയ ഉരുളകളാക്കി കൈവെള്ളയിൽ വെച്ച് ഒന്ന് പരത്തി മുട്ടയിൽ മുക്കിയെടുക്കുക.

ശേഷം അതിന്റെ മുകളിലേക്ക് ക്രംപ്സ് ഇട്ട് പൊതിഞ്ഞെടുക്കുക. തുടർന്ന് ഉടൻ തന്നെ ചൂടായ എണ്ണയിലേക്ക് ഇടുക. തിരിച്ചും മറിച്ചും ഇട്ടതിന് ശേഷം അത് വറുത്തെടുക്കുക. ഒരു കരിഞ്ഞ് പോകാതെ സൂക്ഷിക്കുക. ബ്രഡ് ക്രംസ് വാങ്ങാൻ കിട്ടും അല്ലെങ്ങിൽ ബ്രഡ്/ റെസ്ക് നന്നായി മൊരിച്ചു മിക്സിയിൽ പൊടിച്ചെടുത്തലും മതി.