വിവിധ മസാലകള്‍ വിപണിയില്‍ നമ്മുടെ ആവശ്യാനുസരണം ഇന്ന് ലഭ്യമാണ്. എന്നാല്‍ ഇവയൊക്കെ ഉപയോഗിക്കുമ്പോള്‍ അതോടൊപ്പം ആരോഗ്യ പ്രശ്‌നങ്ങള്‍ കൂടിയാണ് ഉണ്ടാവുന്നത് എന്ന കാര്യം അറിഞ്ഞിരിക്കണം. മനസ് വച്ചാൽ ഇത്തരം മസാലകൾ നമുക്ക് തന്നെ എളുപ്പത്തിൽ ഉണ്ടാക്കി എടുക്കനാകും. അത്തരത്തിൽ ഇന്ന് അടിപൊളി ടേസ്റ്റില്‍ ഒരു കിടിലന്‍ ചിക്കന്‍ മസാല തയ്യാറാക്കിയാലോ..? ഈ ചിക്കന്‍ മസാല നിങ്ങളുടെ വീട്ടില്‍ നല്ല നാടന്‍ രീതിയില്‍ വറുത്ത് പൊടിക്കുന്നതാണ്. ചിക്കന്‍ വിഭവങ്ങള്‍ക്ക് മാത്രമല്ല നല്ല വെജിറ്റേറിയന്‍ കറികള്‍ക്കും ഈ മസാല ഉപയോഗിക്കാം.

ആവശ്യമുള്ള ചേരുവകള്‍

3 ടീസ്പൂണ്‍ മല്ലി മുഴുവന്‍
1 ടീസ്പൂണ്‍ ജീരകം
1 ടീസ്പൂണ്‍ കടുക്
½ ടീസ്പൂണ്‍ ഉലുവ
½ ടീസ്പൂണ്‍ കുരുമുളക്
1 ടീസ്പൂണ്‍ പെരുംജീരകം
3-4 കറുവപ്പട്ട ഇലകള്‍
6-7 ഗ്രാമ്പൂ
6-7 ഏലയ്ക്ക
¼ ജാതിക്ക
2 കറുവപ്പട്ട
1 ടീസ്പൂണ്‍ പോപ്പി വിത്തുകള്‍
7-8 കശുവണ്ടി
8-10 ഉണക്കമുളക്
1 ടീസ്പൂണ്‍ കശ്മീരി മുളക് പൊടി
¼ ടീസ്പൂണ്‍ മഞ്ഞള്‍ പൊടി
1 ടീസ്പൂണ്‍ ഇഞ്ചി പൊടിച്ചത്
2 ടീസ്പൂണ്‍ വെളുത്തുള്ളി പൊടിച്ചത്
½ ടീസ്പൂണ്‍ ഉപ്പ്
കറിവേപ്പില
മല്ലിയില

തയ്യാറാക്കുന്നതിന്

മുകളില്‍ പറഞ്ഞ ചേരുവകള്‍ എല്ലാ കൂടി ഒരു പാനില്‍ ഇട്ട് നല്ലതുപോലെ വറുത്തെടുക്കുക. അതിന് വേണ്ടി ആദ്യം ഇലകളെല്ലാം നല്ലതുപോലെ വറുത്തെടിക്കാം. പതുക്കെ പതുക്കേ ഓരോ ചേരുവകള്‍ എടുത്ത് വറുത്തെടുക്കാവുന്നാണ്. ഇതെല്ലാം ഇളം ചൂടില്‍ ഒരു മിക്‌സര്‍ ഗ്രൈന്‍ഡറില്‍ ഇട്ട് പൊടിച്ചെടുക്കുക. നല്ല മണവും രുചിയും ഉള്ള ചിക്കന്‍ മസാല റെഡി. എയര്‍ടൈറ്റുള്ള ഒരു കണ്ടൈനറില്‍ നിങ്ങള്‍ക്ക് ഇത് സൂക്ഷിച്ച് വെക്കാം. അപ്പോള്‍ ഇന്ന് തന്നെ ഈ റെസിപ്പി പരീക്ഷിച്ച് നല്ല കിടിലന്‍ ചിക്കന്‍ മസാല വീട്ടില്‍ തയ്യാറാക്കൂ.