പറക്കും തളികയെപ്പറ്റി കേട്ടിട്ടുണ്ടോ? എന്നാൽ ഇവിടെ പറക്കും തളിക യാഥാർഥ്യമാകുകയാണ്. പറക്കും തളിക പോലൊരു വീട് ആയാലോ. തമാശയല്ല, കാനഡയിലെ വാൻകൂവർ മഴക്കാടുകളിൽ, മരങ്ങൾക്കിടയിൽ കുരുങ്ങിയപോലെ മൂന്നു ഗോളങ്ങൾ അടുത്തുചെല്ലുമ്പോൾമാത്രമാണ് ഇത് മരവീടുകളാണെന്നു മനസ്സിലാകുക.

വായുവിൽ തൂങ്ങിയാടുന്ന ഒരു താഴികക്കുടത്തിന്റെ മാതൃകയിലാണ് ഈ ട്രീഹൗസ് ഡിസൈൻ ചെയ്തിരിക്കുന്നത്. ഫ്രീ സ്പിരിറ്റ് സ്ഫിയർ എന്ന റിസോർട്ടാണ് ഈ മരവീടുകൾക്കുപിന്നിൽ. ഇതിനുള്ളിൽ താമസിക്കുമ്പോൾ വായുവിൽ ഒഴുകിനടക്കുന്ന പ്രതീതി ലഭിക്കുമെന്ന് ഹോട്ടലുടമകൾ പറയുന്നു.
പുറമെ കാണുന്നത്തിന്റെ നാലിരട്ടി മനോഹാരിതയാണ് അകത്തു കയറി നോക്കിയാൽ. അകത്തളത്തിൽ ഒരുക്കിയിരിക്കുന്നു സൗകര്യങ്ങൾ ആരെയും അതിശയിപ്പിക്കുന്നതാണ്.

വുഡൻ പാനലുകൾ കൊണ്ട് അലങ്കരിച്ച ഇന്റീരിയർ ഡിസൈൻ ആരെയും ആകർഷിക്കുന്നതാണ്. മടക്കി ഉപയോഗിക്കാവുന്ന കസ്റ്റംമെയ്ഡ്കിടക്കയും ആധുനികശുചിമുറിയുമെല്ലാം ഇതിനകത്ത് സജ്ജമാക്കിയിട്ടുണ്ട്. പത്തടി ഉയരത്തിലാണ് ഈ മരവീടുകൾ സ്ഥിതിചെയ്യുന്നത്. തടി കൊണ്ടുണ്ടാക്കിയ ഗോവണിയിലൂടെയാണ് മരവീട്ടിലേക്ക് എത്തിപ്പെടേണ്ടത്.
133 ഡോളറിന് രണ്ടുപേർക്ക് ഇവിടെ ഒരു രാത്രി താമസിക്കാം. അവിവാഹിതർക്ക്, ദമ്പതികൾക്ക്, സുഹൃത്തുകൾക്ക് എന്നിങ്ങനെ മൂന്ന് വിധത്തിലുള്ള മുറികളാണ് ഒരുക്കിയിരിക്കുന്നത്. നിരവധി സഞ്ചാരികളാണ് നഗരത്തിരക്കുകളിൽ നിന്നും മാറി ഈ വ്യസ്ത്യസ്തത ആസ്വദിക്കാൻ ഇവിടെക് എത്തുന്നത്.