സലാലയിൽ ഖ​രീ​ഫ് സീ​സ​ൺ എത്തിയാൽ വിനോദസഞ്ചാരികളുടെ തിരക്കാണ്. തു​ട​ർ​ച്ച​യാ​യി പെ​യ്യു​ന്ന മ​ഴ സ​ലാ​ല​യാ​കെ കു​ളി​ര​ണി​യിച്ചു കഴിഞ്ഞു. സ​ലാ​ല​യി​ൽ ഖ​രീ​ഫ്​ കാ​ല​ത്തു​മാ​ത്രം ഉ​റ​വ പൊ​ട്ടു​ന്ന അ​യി​ൻ ഖോ​ർ വെ​ള്ള​ച്ചാ​ട്ടം സ​ഞ്ചാ​രി​ക​ളെ ഏറെ ആകർഷിക്കുന്ന ഒന്നാണ്.

സ്വ​ദേ​ശി​ക​ളേ​യും വി​ദേ​ശി​ക​ളേ​യും ഒ​രു​പോ​ലെ അ​ദ്​​ഭു​തം കൊ​ള്ളി​ക്കു​ന്ന ഈ ​വി​സ്​​മ​യ കാ​ഴ്​​ച കാ​ണാ​ൻ നി​ര​വ​ധി സ​ന്ദ​ർ​ശ​ക​രാ​ണ്​ എ​ത്തു​ന്ന​ത്.സ​ലാ​ല​യു​ടെ 35 കി.​മീ. അ​ക​ലെ പ​ടി​ഞ്ഞാ​റ്​ ഭാ​ഗ​ത്ത്​ റാ​യ്​​സൂ​രി​ന​ടു​ത്ത മ​ല​നി​ര​ക​ളി​ലാ​ണ്​ ഖ​രീ​ഫ്​​കാ​ല​ത്ത്​ മാ​ത്രം ഉ​ര​വം​കൊ​ള്ളു​ന്ന ഈ ​സു​ന്ദ​ര വെ​ള്ള​ച്ചാ​ട്ടം സ്​​ഥി​തി ചെ​യ്യു​ന്ന​ത്.

താ​ഴെ​യാ​യി ജ​ല​സ​മൃ​ദ്ധ​മാ​യ ത​ടാ​ക​വും നി​യ​ത രൂ​പ​ങ്ങ​ളി​ല്ലാ​ത്ത പാ​റ​ക്കെ​ട്ടു​ക​ളി​ലൂ​ടെ തു​ള്ളി ഒ​ഴു​കു​ന്ന നീ​ർ​ചാ​ലു​ക​ളും ചെ​റു​ജ​ല​ധാ​ര​ക​ളു​മെ​ല്ലാം സു​ന്ദ​ര​മാ​യ കാ​ഴ്ചാ​നു​ഭൂ​തി​യാ​ണ്​ പ​ക​രു​ന്ന​ത്.

എന്നാൽ ഇവിടെ എത്തിച്ചേരുന്നത് അത്ര എളുപ്പമല്ല. ഉ​രു​ള​ൻ ക​ല്ലു​ക​ൾ നി​റ​ഞ്ഞ, വെ​ള്ള​ച്ചാ​ട്ട​ത്തി​ൽ നി​ന്നൊ​ഴു​കു​ന്ന വെള്ളം വഴിയേതെന്നു അറിയാത്തവിധം പറന്നു ഒഴുകുകയാണ്. അതുകൊണ്ടു തന്നെ ഫോ​ർ​വീ​ൽ ഗി​യ​റു​ള്ള വാ​ഹ​ന​ങ്ങ​ളെ മാ​ത്ര​മേ ഇ​വി​ടേ​ക്ക് ക​ട​ത്തി​വി​ടുന്നുള്ളു.

ചെ​റു​വാ​ഹ​ന​ങ്ങ​ളി​ൽ വ​രു​ന്ന​വ​ർ വാ​ഹ​നം ദൂ​രെ പാ​ർ​ക്ക്​ ചെ​യ്ത​തി​ന് ശേ​ഷം ഇ​രു​വ​ശ​ത്തെ​യും മ​ല​നി​ര​ക​ൾ​ക്കി​ട​യി​ലൂ​ടെ പാ​റ​ക്കെ​ട്ടു​ക​ൾ ന​ട​ന്നു​ക​യ​റി​യും വെ​ള്ള​മൊ​ഴു​കു​ന്ന വ​ഴി​ക​ൾ മു​റി​ച്ചു​ക​ട​ന്നും അ​ര​മ​ണി​ക്കൂ​റി​ലേ​റെ നടന്നുവേണം ഇവിടെ എത്തിച്ചേരാൻ .

നീ​ന്താ​ൻ അ​നു​യോ​ജ്യ​മാ​യ വി​ധ​ത്തി​ലു​ള്ള​ത​ല്ല ഇൗ ​അ​രു​വി. അ​രു​വി​യി​ൽ കു​ളി​ക്കാ​നി​റ​ങ്ങ​രു​തെ​ന്ന്​ സി​വി​ൽ ഡി​ഫ​ൻ​സ്​ മുന്നറിയിപ്പുണ്ട്. കു​ടും​ബ​സ​മേ​തം വ​രു​ന്ന​വ​ർ കു​ട്ടി​ക​ൾ​ക്കും മ​റ്റും ആ​വ​ശ്യ​മാ​യ സു​ര​ക്ഷാ​മു​ൻ​ക​രു​ത​ലു​ക​ൾ സ്വീ​ക​രി​ക്ക​ണം