കാടിനുള്ളില്‍ മരത്തിനു മുകളില്‍ ഏറുമാടം കെട്ടി താമസിക്കാൻ കഴിഞ്ഞാൽ എന്ത് രസമായിരിക്കും, അല്ലെ ? ഇന്ത്യയിൽ അതെത്രത്തോളം സുരക്ഷിതമാകുമെന്നറിയില്ല,എന്നാൽ കാനഡയിലെ തൂക്കു ഹോട്ടൽ അത്തരത്തിലുള്ളതാണ്.

വനമധ്യത്തില്‍ വ്യത്യസ്തമായ താമസസൗകര്യം ഒരുക്കിയിരിക്കുന്നത് കാനഡയിലെ ഫ്രീ സ്പിരിറ്റഡ് റിസോര്‍ട്ട്‌സ് ആണ്. കാടിന് നടുവില്‍ മരങ്ങള്‍ക്ക് മുകളിലാണ് ഹോട്ടല്‍ മുറികള്‍ ഒരുക്കിയിരിക്കുന്നത്. പന്തിന്റെ രൂപത്തിലാണ് ഹോട്ടല്‍ മുറികളുടെ രൂപകല്‍പന. കാനഡയിലെ വാന്‍കൂവര്‍ ദ്വീപിലെ ഒരു വനപ്രദേശത്താണ് ഹോട്ടല്‍ സ്ഥിതി ചെയ്യുന്നത്.

രണ്ട് പേര്‍ക്ക് താമസിക്കാവുന്ന വിധത്തില്‍ രൂപകല്‍പന ചെയ്തിരിക്കുന്ന മുറികളുടെ ഇന്റീരിയര്‍ ഡിസൈനിങ് ആകർഷകവും സൗകര്യപ്രദവുമാണ്.