പക്ഷിപ്പനി കാരണം പാടെ തകര്‍ന്ന മാംസ വിപണി ക്രിസ്തുമത് കാലമായതോടെ ഉണര്‍ന്നു. കോഴി, താറാവ്, പോത്ത്, പന്നി, മത്സ്യം എന്നിവയുടെ വില വര്‍ധിച്ചു.
പക്ഷിപ്പനിയെത്തുടര്‍ന്നു രണ്ടാഴ്ചമുമ്പ് 40രൂപ വരെ വന്നിരുന്ന കോഴിയുടെ വില ഇന്നു രാവിലെ 108, 110ലെത്തി. താറാവിന്റെ വില 260. പോത്തിറച്ചിക്ക് 240, 280 രൂപ വരെയാണ് പല കടകളിലും വ്യാപാരികള്‍ ഈടാക്കുന്നത്. പന്നി ഇറച്ചിയ്ക്ക് 240, 260 രൂപവരെയാണ് വില. ആടിനു 480, 500 എന്നിങ്ങനെയാണ് മാംസവില.
മാംസ വിപണി കഴിഞ്ഞാല്‍ മത്സ്യവിപണിയിലാണ് തിരക്കേറെ. മത്സ്യത്തിന്റെ വിലയും കുത്തനേ ഉയര്‍ത്തി. മീനിന്റെ വില 80 മുതല്‍ 500 വരെയായി. ഏറ്റവും വിലകൂടിയ മീനായ നന്‍മീനിനു 500, വറ്റ 500, മോദ 380, തള 350, വിള 380, ചെറുമീനുകളായ മത്തി 80, അയല 140160, കിളി 130140, ചൂര 140160 എന്നിങ്ങനെയാണ് മീന്‍ വില.
അതേ സമയം, ക്രിസ്മസ് വിപണിയിലെ തിരക്കു മുതലെടുക്കുന്നതിന്റെ ഭാഗമായി ഇറച്ചിക്കു മൃദുത്വം ലഭിക്കാന്‍ കാരം, തൂക്കം ലഭിക്കാന്‍ കുത്തിവയ്പ് തുടങ്ങിയ കാര്യങ്ങള്‍ വ്യാപാരികള്‍ പ്രയോഗിക്കുന്നതായി വ്യാപക ആരോപണമുണ്ട്. കോഴിയും പോത്തും പ്രധാനമായും അന്യസംസ്ഥാനത്തു നിന്നുമാണു എത്തിയിരിക്കുന്നത്. വേണ്ടത്ര പരിശോധന നടത്താതെയാണു മാടുകളെയും കോഴികളേയും കടത്തിക്കൊണ്ടു വന്നിരിക്കുന്നതെന്നും ആരോപണം ശക്തമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha