കേരളത്തില് ചെറിയ ട്രാന്സ്പോര്ട്ട് വാഹനങ്ങള് ഓടിക്കാന് ഇനി ബാഡ്ജ് വേണ്ട
കേരളത്തില് ചെറിയ ട്രാന്സ്പോര്ട്ട് വാഹനങ്ങള് ഓടിക്കാന് ഇനി ബാഡ്ജ് വേണ്ട. സംസ്ഥാന ഗതാഗത സെക്രട്ടറിയുടെ ഉത്തരവ് നടപ്പാക്കാന് സംസ്ഥാന ഗതാഗത കമ്മിഷണര് ആര്.ടി.ഓഫീസുകള്ക്ക് നിര്ദേശം നല്കി. കേരളത്തില് സ്വകാര്യ വാഹനങ്ങള്ക്കൊഴികെ എല്ലാ ട്രാന്സ്പോര്ട്ട് വാഹനങ്ങള് ഓടിക്കാനും ബാഡ്ജ് നിര്ബന്ധമായിരുന്നു. ഉത്തരവ് ഇറങ്ങിയതോടെ ഓട്ടോറിക്ഷ, ടാക്സി, മിനി ബസ്, വലിയ ടാക്സികാറുകള് ചെറിയ ടിപ്പറുകള് എന്നിവ ഓടിക്കാന് ഇനി ബാഡ്ജ് വേണ്ട. 7500 കിലോയില് കൂടുതല് ഭാരമുള്ള ബസുകള് ചരക്കുവാഹനങ്ങള് വലിയ ബസുകള് വലിയ ടിപ്പറുകള് എയര്ബസുകള് എന്നിവ ഓടിക്കാന് മാത്രമേ ഇനി ബാഡ്ജ് വേണ്ടൂ.
ഇതുസംബന്ധിച്ച സുപ്രീംകോടതി വിധി വന്ന് ഒരു കൊല്ലത്തിലേറെയായി. മറ്റ് സംസ്ഥാനങ്ങള് വിധി നടപ്പാക്കിയിട്ടും ബാഡ്ജിലൂടെ ലഭിക്കുന്ന കോടിക്കണക്കിന് രൂപ നഷ്ടപ്പെടുമെന്ന ആശങ്കയില് കേരളം വിധി നടപ്പാക്കാതിരിക്കുകയായിരുന്നു.
2017 ജൂലായ് മൂന്നിനാണ് സുപ്രീംകോടതിവിധി പുറപ്പെടുവിച്ചത്. പ്രതിഫലം പറ്റി ട്രാന്സ്പോര്ട്ട് വാഹനങ്ങള്; ഓടിക്കാന് സര്ക്കാര് നല്കുന്ന അനുമതിപത്രം. ബാഡ്ജുള്ളവര് ഓരോ മൂന്നുവര്ഷം കൂടുമ്പോഴും െ്രെഡവിങ് ലൈസന്സ് പുതുക്കണം. പുതുക്കല് ഫീസ് 450 രൂപ. ഒരുമാസം വൈകിയാല് പിഴയായി 1100 രൂപ അടയ്ക്കണം. ചെറിയ വാഹനങ്ങള്ക്ക് ബാഡ്ജ് വേണ്ടെന്ന സുപ്രീംകോടതിവിധി നടപ്പാക്കാന് എല്ലാ ആര്ടി.ഓഫീസുകള്ക്കും നിര്ദേശം നല്കി. ഓട്ടോറിക്ഷാ അടക്കമുള്ള എല്ലാ ട്രാന്സ്പോര്ട്ട് വാഹനങ്ങള്ക്കും ഇത് ബാധകമാണ്.
"
https://www.facebook.com/Malayalivartha
