ഇന്ത്യന് രൂപ കോമയില്; എന്നാല് പുറത്തു പറഞ്ഞാല് രാജ്യദ്രോഹിയായി മുദ്രകുത്തും: സര്ക്കാരിനെതിരെ ശബ്ദമുയര്ത്താന് ഒരു പൗരനും അവകാശമില്ലാതായി യെശ്വന്ത് സിന്ഹ
സാമ്പത്തിക പ്രതിസന്ധിയിലൂടെ കടന്ന് പോകുന്ന ഇന്ത്യയില് രൂപ കോമ സ്റ്റേജിലാണെന്ന് മുന് ധനമന്ത്രിയും ബി.ജെ.പി നേതാവുമായ യശ്വന്ത് സിന്ഹ.രാഷ്ട്ര മഞ്ചിന്റെ വേദിയില് സംസാരിക്കവെയാണ് ഇന്ത്യന് സമ്പദ് വ്യവസ്ഥ കടുത്ത പ്രതിസന്ധിയിലാണെന്ന് സൂചനയോടെ മോദി സര്ക്കാരിന്റെ പദ്ധതികള്ക്കെതിരെ യശ്വന്ത് സിന്ഹ ആഞ്ഞടിച്ചത്.
നരേന്ദ്രമോദി ഗുജറാത്ത് മുഖ്യമന്ത്രിയായിരുന്ന കാലത്ത് ഇന്ത്യന് രൂപ ഐ.സി.യുവിലായിരുന്നു. അന്ന് രൂപയുടെ മൂല്യം ഡോളറൊന്നിന് 60 ആയിരുന്നു. ഇന്നിപ്പോള് 75 ആയിരിക്കുന്നു. ഈ സമയത്ത് രൂപ കോമയിലാണ് എന്നല്ലാതെ മറ്റെന്താണ് പറയാന് സാധിക്കുക സിന്ഹ ചോദിച്ചു.
നിലവില് സ്ഥിഗതിയില് രാജ്യത്തെ ഒരു പൗരനും സര്ക്കാരിനെതിരെ സംസാരിക്കാന് അവകാശമില്ല. അങ്ങനെ സംസാരിക്കൂന്നവരെ രാജ്യദ്രോഹിയായി മുദ്ര കുത്തുന്നു. അതാകട്ടെ ജനാധിപത്യ വിരുദ്ധവും സിന്ഹ മാധ്യമങ്ങളോട് പറഞ്ഞു.റഫേല് കരാറില് വന് അഴിമതിയാണ് നടന്നിട്ടുള്ളത്. സി.ബി.ഐക്ക് പരാതി നല്കാനാണ് തീരുമാനം.അത് എന്.ഡി.എ ഗവണ്മെന്റിന്റെ അഴിമതിയാണ്. മോദിയാണ് അതിന് കാരണവും . സി.ബി.ഐയുടെ റിപ്പോര്ട്ടിനായി ഒരു മാസം കാത്തുനില്ക്കും. അതും ഫലം കണ്ടില്ലെങ്കില് കോടതിയെ സമീപിക്കാനാണ് തീരുമാനം സിന്ഹ കൂട്ടിച്ചേര്ത്തു.
ഇപ്പോള് ഉയര്ന്നു വരുന്ന ഇന്ധനവിലയും വിലക്കയറ്റവും രാജ്യത്തെ ജനജീവിതം താറുമാറാക്കുന്നുവെന്നും അദ്ദേഹം കുറ്റപ്പെടുത്തി
"
https://www.facebook.com/Malayalivartha
