കാര്‍ വാങ്ങാനെത്തിയത് നാല് ചാക്ക് പണവുമായി, എണ്ണി തീര്‍ത്തത് രണ്ടര മണിക്കൂര്‍ കൊണ്ട്
കാര്‍ വാങ്ങാനെത്തിയ യുവതി നല്‍കിയ ഫുള്‍ പെയ്‌മെന്റ് കണ്ട് ഹോണ്ട ഷോറൂം ജീവനക്കാര്‍ അല്‍പ്പം അമ്പരന്നു. നാല്ചാക്ക് നിറയെ പണവുമായാണ് ഇവര്‍ ഷോറൂമിലേക്കെത്തിയത്. ഒരു രൂപ നോട്ടുകള്‍ മാത്രമുള്ള ഒന്നര ലക്ഷം രൂപയുടെ കെട്ടുകള്‍
നാല് ചാക്ക് നിറയെ പണവും കൊണ്ടെത്തിയ സ്ത്രീ ചെറുതല്ലാത്ത പണിയാണ് കാര്‍ ഷോറൂമിലെ ജീവനക്കാര്‍ക്ക് നല്‍കിയത്. 20 ജീവനക്കാര്‍ ചേര്‍ന്ന് രണ്ടര മണിക്കൂര്‍ കൊണ്ടാണ് നാല് ചാക്കിലേയും പണം എണ്ണിത്തിട്ടപ്പെടുത്തിയത്. ഷോറൂം ജീവനക്കാര്‍ക്ക് പുറമേ കാര്‍ മെക്കാനിക്കുകളേയും കൂടെ കൂട്ടിയാണ് ഈ ‘എണ്ണല്‍ പണി’ പൂര്‍ത്തിയാക്കിയത്.
കൗതുകകരമായ സംഭവത്തെ കുറിച്ച് ചൈനയിലെ ഷാന്‍ഡോങ് പ്രവിശ്യയിലെ ഹോണ്ട കാര്‍ ഷോറൂം മാനേജര്‍ പറയുന്നത് ഇങ്ങനെയാണ്. ‘ചെറിയ തുകകളായി കാര്‍ പേയമെന്റ് നടത്താന്‍ സാധിക്കുമോ എന്ന് ചോദിച്ചാണ് അവര്‍ ഞങ്ങളെ വിളിച്ചത്. പറ്റുമെന്ന് താന്‍ ഉറപ്പും നല്‍കി. ഷോറൂമിലെത്തി അവര്‍ ജീവനക്കാരോട് തന്റെ കാര്‍ തുറന്ന് പണം എടുത്തു കൊണ്ടുവരാന്‍ ആവശ്യപ്പെടുകയായിരുന്നു. എന്നാല്‍ കാര്‍ തുറന്ന ഞങ്ങള്‍ അമ്പരപ്പെട്ടു പോയി. നാല് ചാക്ക് നിറയെ പണമായിരുന്നു അവര്‍ കൊണ്ടു വന്നത്. പിന്നെ മറ്റ് ജോലികളെല്ലാം മാറ്റിവച്ച് പണം എണ്ണിത്തിട്ടപ്പെടുത്തലായി എല്ലാവരുടേയും പ്രധാന പണി’.
രണ്ട് ലക്ഷം യുവാന്റെ കാര്‍ വാങ്ങിയ അവര്‍ ബാക്കി പണം മൊബൈല്‍ ബാങ്കിംഗിലൂടെയും തന്നുവെന്നും മാനേജര്‍ പറയുന്നു.
https://www.facebook.com/Malayalivartha
